NEET-UG પેપર લીક, 22 લાખથી વધુ વિદ્યાર્થીઓના સપના સાથે ક્રૂર મજાક, છેલ્લા 7 વર્ષમાં 70 થી વધુ પેપર લીક

NEET-UG 2026 પેપર લીક કૌભાંડની શરૂઆત ખૂબ જ ચોંકાવનારી રીતે થઈ હતી. તપાસમાં બહાર આવ્યું છે કે 1લી મેના રોજ કેરળમાં MBBS કરી રહેલા એક વિદ્યાર્થીએ સીકરમાં રહેતા તેના મિત્રને નીટનું એક ‘ગેસ પેપર’ મોકલ્યું હતું . 2જી મેના રોજ આ પેપર સીકરમાં પીજી (PG) ચલાવતા એક વ્યક્તિ પાસે પહોંચ્યું અને તેણે ત્યાં તૈયારી કરી રહેલા વિદ્યાર્થીઓને તે વહેંચી દીધું. 3 મેના રોજ જ્યારે અસલી પરીક્ષા લેવાઈ ત્યારે ખબર પડી કે ગેસ પેપરના 150 થી વધુ પ્રશ્નો અસલી પ્રશ્નપત્ર સાથે હૂબહૂ મળતા આવતા હતા . આ પ્રશ્નો હાથથી લખાયેલા હતા અને તેમાં ફિઝિક્સ, કેમિસ્ટ્રી તેમજ બાયોલોજીના 300 થી વધુ પ્રશ્નોનો સમાવેશ થતો હતો. નિષ્ણાતોના મતે, પરીક્ષામાં એકાદ-બે પ્રશ્નો મળતા આવે તે સામાન્ય હોઈ શકે, પરંતુ 150 જેટલા પ્રશ્નો વર્ડ ટુ વર્ડ, કોમા ટુ કોમા, નંબર ટુ...