જૈવિક ખેતી કરતા પાંચ ખેડૂતો ધરતી મિત્ર પુરસ્કારથી સન્માનિત, પ્રથમ એવોર્ડ ગુજરાતના પ્રગતિશીલ ખેડૂતને ફાળે

Dharti MItra Award 2021: સજીવ ખેતીના ક્ષેત્રમાં નવીનતાઓનો ઉપયોગ કરીને આત્મનિર્ભર બનેલા ખેડૂતોને દાદાસાહેબ ફિલ્મ ઈન્ટરનેશનલ ફિલ્મ ફેસ્ટિવલ 2022 દરમિયાન, ઓર્ગેનિક ઈન્ડિયાએ ધરતી મિત્ર સન્માનથી સન્માનિત કર્યા.

જૈવિક ખેતી કરતા પાંચ ખેડૂતો ધરતી મિત્ર પુરસ્કારથી સન્માનિત, પ્રથમ એવોર્ડ ગુજરાતના પ્રગતિશીલ ખેડૂતને ફાળે
Dadashaheb Falke International Film Festival 2022
Follow Us:
TV9 Gujarati
| Edited By: | Updated on: Feb 23, 2022 | 9:03 AM

દાદાસાહેબ ફાળકે ઈન્ટરનેશનલ ફિલ્મ ફેસ્ટિવલ 2022 (Dadashaheb Falke International Film Festival 2022) દરમિયાન દેશમાં ઓર્ગેનિક ખેતી (Organic Farming)ને પ્રોત્સાહન આપવાના ઉદ્દેશ્યથી ઓર્ગેનિક ઈન્ડિયા પ્રા.એ જૈવિક ખેતીમાં મહત્વપૂર્ણ યોગદાન આપવા બદલ જૈવિક ખેડૂતોને ધરતી મિત્ર (Dharti Mitra Award)એવોર્ડથી સન્માનિત કરવામાં આવ્યા હતા. દેશમાં ઓર્ગેનિક ફાર્મિંગની ઇકો-સિસ્ટમને મજબૂત કરવામાં તેમના યોગદાન બદલ આ સન્માન ખેડૂતોને આપવામાં આવે છે. ભારતીય સિનેમાની ભવ્યતા અને આઝાદી કા અમૃત મહોત્સવની ઉજવણી કરતા, પાંચ ટોચના ઓર્ગેનિક ખેડૂતોને ધરતી મિત્ર એવોર્ડથી સન્માનિત કરવામાં આવ્યા હતા.

ઉલ્લેખનીય છે કે રાસાયણિક ખાતરો અને જંતુનાશકોનો ઉપયોગ કર્યા વિના પાક ઉગાડવાના દેશના ઓર્ગેનિક ખેડૂતોના પ્રયાસોને સન્માનિત કરવા તેમજ ઇકોસિસ્ટમને સંતુલિત કરીને નવા પ્રયોગો સાથે સ્વ-નિર્ભર ખેતી મોડલ બનાવવા માટે વર્ષ 2017માં ભારતે ધરતી મિત્ર એવોર્ડની સ્થાપના કરી હતી. ધરતી મિત્ર પુરસ્કાર દેશભરના ઓર્ગેનિક ખેડૂતોને ખેતીમાં નવા પ્રયોગો કરવા અને તેમના શિક્ષણને દેશના અન્ય ખેડૂતો સુધી લઈ જવા માટે વધુ સારું પ્લેટફોર્મ પૂરું પાડે છે.

ગુજરાતના ખેડૂતને પ્રથમ ઇનામ મળ્યું

2017 માં ધરતી મિત્ર પુરસ્કારના વિજેતા ભારત ભૂષણ ત્યાગીને 2019 માં ભારતનો ચોથો સર્વોચ્ચ નાગરિક પુરસ્કાર પદ્મશ્રી એનાયત કરવામાં આવ્યો હતો. ANI અનુસાર, દાદાસાહેબ ફાળકે ઈન્ટરનેશનલ ફિલ્મ ફેસ્ટિવલ 2022 દરમિયાન, ફિલ્મ અભિનેત્રી લારા દત્તા અને કર્નલ તુષાર જોશીએ ગુજરાતના એક ઓર્ગેનિક ખેડૂત ઉપેન્દ્રભાઈ ડાયાભાઈ નાથાણીને ધરતી મિત્ર 2021 એવોર્ડ આપ્યો હતો. તેણે પ્રથમ ઇનામ જીત્યું. તેમને એવોર્ડ તરીકે પાંચ લાખ રૂપિયા આપવામાં આવ્યા હતા. બીજો ધરતી મિત્ર પુરસ્કાર કર્ણાટકના ખેડૂત મલ્લેશપ્પા ગુલપ્પા બિસરોટ્ટીને મળ્યો. તેને પુરસ્કાર તરીકે ત્રણ લાખ રૂપિયા આપવામાં આવ્યા હતા.

આજનું રાશિફળ તારીખ : 20-07-2024
અંજીર તમારા શરીરમાં ફાયદાને બદલે કરશે નુકસાન, આ લોકો ભૂલથી પણ ન ખાતા
150 રૂપિયા રોજ બચાવી બનાવી શકશો 2 કરોડ રૂપિયા... SIP નો આ કરોડપતિ ફોર્મ્યુલા છે અદ્ભુત
મખાના ખાવાથી કયો રોગ મટે છે?
આ દેશમાં ભારતના 10 રૂપિયા થઈ જાય છે લગભગ 2 હજાર રૂપિયા
સૂતા પહેલા જીરાનું પાણી પીવાના 5 ફાયદા

દેશના ખેડૂતોનું કાર્ય પ્રશંસનીય છે

ધરતી મિત્ર 2021નું ત્રીજું, ચોથું અને પાંચમું ઇનામ કર્ણાટકના દેવર્દી અગસનકોપ્પા, રાજસ્થાનના રાવલ ચંદ અને ઉર્મિલ ઉર રૂબી પારીકને આપવામાં આવ્યું હતું. ત્રણેયને એક-એક લાખ રૂપિયા ઈનામ તરીકે આપવામાં આવ્યા હતા. કાર્યક્રમને સંબોધતા ઓર્ગેનિક ઈન્ડિયા ગ્રુપ મેનેજિંગ ડિરેક્ટર સુબ્રત દત્તાએ દેશના ખેડૂતો દ્વારા ઓર્ગેનિક ખેતી માટે કરવામાં આવી રહેલા પ્રયાસોની પ્રશંસા કરી અને આભાર વ્યક્ત કર્યો. તેમણે કહ્યું કે આપણા દેશના ખેડૂતો ઇકોલોજી, અર્થતંત્ર અને સમાજ માટે ખૂબ જ મહત્વપૂર્ણ ભૂમિકા ભજવે છે.

ધરતી મિત્ર એવોર્ડનો હેતુ

ધરતી મિત્ર એવોર્ડના ઉદ્દેશો સમજાવતા તેમણે કહ્યું કે આના દ્વારા તમામ ખેડૂતો સાથેના તેમના સંબંધો વધુ મજબૂત થશે. આ એવોર્ડનો હેતુ ખેડૂતો સાથેના સારા સંબંધની ઉજવણી કરવા માટે છે, જેઓ એકબીજા સાથે જોડાયેલા છે. તેના દ્વારા સજીવ ખેતીના ક્ષેત્રમાં વધુ સારું કામ કરીને તેમનો આત્મવિશ્વાસ વધારવાનો પ્રયાસ કરવામાં આવે છે. ધરતી મિત્ર એવોર્ડનો ઉદ્દેશ્ય જૈવિક ખેતી કરતા ખેડૂતો દ્વારા કરવામાં આવતા નવા પ્રયોગોને વિશ્વ સમક્ષ લાવવાનો છે.

આ પણ વાંચો: Technology: Instagram પર આવ્યું નવું ફિચર, હવે 30 મિનિટથી શરૂ થશે એપનું ડેઈલી ટાઈમ લિમિટ રિમાઇન્ડર

આ પણ વાંચો: Mandi: અમરેલી APMCમાં કપાસના મહત્તમ ભાવ રૂપિયા 10910 રહ્યા, જાણો જુદા-જુદા પાકના ભાવ

Latest News Updates

g clip-path="url(#clip0_868_265)">