દિલ ઘડક VIDEO : શાળામાં ફિલ્મી સ્ટોરી, વિદ્યાર્થીનીએ પ્રેમનો અસ્વીકાર કરતા યુવકે કર્યું ફાયરિંગ, બાદમાં પોતે કર્યો આપઘાત !
યુવકે ધોરણ 12ની વિદ્યાર્થીનીને ગોળી મારીને ગંભીર રીતે ઈજાગ્રસ્ત કરી હતી અને બાદમાં આરોપીનો મૃતદેહ રેલવે ટ્રેક પાસે મળી આવ્યો હતો.
મધ્યપ્રદેશમાં એક 22 વર્ષીય યુવકે ધોરણ 12ની વિદ્યાર્થીનીને ગોળી મારીને ગંભીર રીતે ઈજાગ્રસ્ત કરી હતી અને બાદમાં આરોપીનો મૃતદેહ રેલવે ટ્રેક પાસે મળી આવ્યો હતો. પોલીસના જણાવ્યા મુજબ હાલ 17 વર્ષીય સગીરને હોસ્પિટલમાં દાખલ કરવામાં આવી છે. પોલીસ અધિક્ષક શ્વેતા ગુપ્તાએ જણાવ્યું કે આરોપીની ઓળખ રાહુલ કુશવાહ તરીકે થઈ છે અને તેના મૃતદેહને પોસ્ટમોર્ટમ માટે મોકલી દેવામાં આવ્યો છે. તેમણે કહ્યું કે કુશવાહાના મૃત્યુનું કારણ જાણી શકાયું નથી અને પોસ્ટમોર્ટમ રિપોર્ટથી જ કારણ સ્પષ્ટ થશે.
ગોળીબાર કરનાર આરોપીનો રેલ્વો ટ્રેક પાસેથી મૃતદેહ મળ્યો
પ્રાથમિક તપાસ મુજબ કુશવાહ 4 વાગે નઝુલની શાળામાં આવ્યો હતો,જ્યાં વિદ્યાર્થીઓની ફેરવેલ પાર્ટી ચાલી રહી હતી. તેણે યુવતીને બહાર બોલાવીને વાત કરવાનું કહ્યું, પરંતુ જ્યારે યુવતીએ ના પાડી તો તેણે તેના પર પિસ્તોલથી ફાયરિંગ કર્યું.જો કે સદનસીબે યુવક ટાર્ગેટ ચૂકી ગયો અને ગોળી યુવતીના હાથમાં વાગી. પોલીસે જણાવ્યું કે આ ઘટનાના કલાકો બાદ કુશવાહનો મૃતદેહ ગુના જિલ્લા મુખ્યાલયથી લગભગ આઠ કિલોમીટર દૂર મહુગઢ રેલ્વે સ્ટેશન નજીક ટ્રેક પાસે મળી આવ્યો હતો.
જુઓ વીડિયો
मध्य प्रदेश के गुना जिले में स्कूल में घुसकर मनचले ने एक छात्रा पर गोली चला दी. युवक छात्रा से एकतरफा प्यार करता था. इस घटना का वीडियो सामने आया है. pic.twitter.com/Z8Y3oZZrjO
— Asheesh Kumar Mishra (@Asheesh17604450) February 13, 2023
CSP શ્વેતા ગુપ્તાએ જણાવ્યું કે રાત્રે લગભગ 9 વાગે વિદ્યાર્થીની પર ગોળીબાર કરનાર આરોપી રાહુલ કુશવાહ શહેરથી લગભગ 10 થી 11 કિમી દૂર મહુગઢમાં રેલવે ટ્રેક પાસેથી મળી આવ્યો હતો.જ્યાં તેને મૃત જાહેર કરવામાં આવ્યો હતો. જો કે તેનુ મૃત્યુ કેવી રીતે થયુ તે હજુ સ્પષ્ટ થયુ નથી. સીએસપી શ્વેતા ગુપ્તાએ કહ્યું કે પીએમ રિપોર્ટ પછી જ સ્પષ્ટ થશે કે તેમનું મૃત્યુ કેવી રીતે થયું.