Vadodara : કોવિડ વોર્ડમાંથી દર્દીઓના દાગીનાની થયેલ ચોરીનો ભેદ ઉકેલાયો, એક મહિલાની અટકાયત

ગુજરાતમાં કોરોનાની  બીજી લહેર દરમિયાન અનેક હોસ્પિટમાં કોરોનાના (CORONA) દર્દીઓના સોના-ચાંદીના દાગીનાની ચોરી ( Theft ) થઇ ગઈ હતી. વડોદરામાં (Vadodara) પણ કોવિડ વોર્ડમાં ( covid ward ) ચોરી (Theft) થઇ હતી. જેનો ભેદ 3 મહિના બાદ ઉકેલવામાં આવ્યો છે.

વડોદરાની ટ્રાયકલર હોસ્પિટલના( Tricolor Hospital ) કોવિડ વોર્ડમાં ( covid ward ) થયેલ ચોરીનો ભેદ ત્રણ મહિને ઉકેલાયો છે. હોસ્પિટલની સર્વન્ટ દ્વારા જ દર્દીના દાગીના ચોરવામાં આવ્યા હતા. આ સમગ્ર ભાંડો કોવિડ વોર્ડના CCTV થી સામે આવ્યો છે. ગોરવા પોલીસે સુશીલાબેન રામસિંઘ પઢીયાર નામની સર્વન્ટની અટકાયત કરી છે. આ સાથે જ પોલીસે 1 લાખ 15 હજારના સોનાના દાગીના રિકવર કર્યા છે.