મહેસાણામાંથી ઝડપાયેલા ચરસનો કેસ, ચરસનું કાશ્મીર કનેક્શન સામે આવ્યું

મહેસાણાના ફતેપુરા સર્કલ પાસેથી દસ દિવસ અગાઉ ઝડપાયેલા 18 કિલો ચરસનું કાશ્મીર કનેક્શન સામે આવ્યું છે, જમ્મુના આશિક અલીએ રાજસ્થાનના કિસનગઢમાં ચરસની ડિલિવરી કરી હતી, આ જથ્થો થાણેના મુંબ્રામાં એક શખ્સને પહોંચાડવાનો હતો, ચરસનો મુખ્ય સૂત્રધાર જમ્મુનો પ્રદીપ છે, જેનું મોબાઈલ લોકેશન પઠાણકોટમાં મળ્યું છે, જેના આધારે પોલીસે તેને ઝડપી પાડવા તપાસ હાથ ધરી છે, આ 18 કિલો ચરસના કેસમાં અત્યાર સુધીમાં 4 લોકો ઝડપાયા છે,

ઉલ્લેખનીય છે કે, અમદાવાદ- પાલનપુર હાઇવે પરથી ફત્તેપુરા સર્કલ પાસેથી પોલીસે ચરસ ઝડપ્યું હતું. જેમાં ટ્રાફિક પોલીસના ચેકીંગમાં ચરસ ઝડપાયું હતું.તેમજ 15 કિલોથી વધુ ચરસના જથ્થા સાથે 3 શખ્સની ધરપકડ કરવામાં આવી હતી. જેમાં ત્રણ શખ્સ કારમાં મુંબઇ તરફ ચરસ લઈને જતાં હતા.

આ સમયે પી એસ આઈ વી. પી. સોલંકીએ વાહન ચેકીંગ દરમિયાન ચરસ ઝડપ્યું હતું. MH 43 X 5909 નંબર ની ઝાયલો કારમાંથી ચરસ નો જથ્થો મળ્યો હતો. તેમજ આ ઘટનાની જાણ થતા મહેસાણા એસઓજી અને એલસીબી પોલીસ ઘટનાસ્થળે પહોંચી હતી. તેમજ આ ત્રણ શખ્સ પાસેથી ચરસનો જથ્થો કરીને તેમની વિરુદ્ધ કાર્યવાહી હાથ ધરી હતી.

પોલીસ દ્વારા તેમની પૂછપરછ હાથ ધરવામાં આવી હતી. જેમાં તેમણે આ ચરસની ડિલિવરી મુંબઈમાં એઝાઝ સૈયદને આપવાની બાબત કબૂલી હતી. જો કે ચરસનો જથ્થો કયાથી લાવ્યા અંગે કોઇ માહિતી સાંપડી નથી. તેમજ પોલીસ આ સમગ્ર રેકેટના મૂળ સુધી જવા માટે અનેક પ્રકારની તપાસ કરી રહી છે.