UPSC 2023 પ્રિલિમ્સ રજીસ્ટ્રેશન શરૂ થવાનું છે, અહીં ચેક કરો નોટિફિકેશન
UPSC Notification 2023 : UPSC સિવિલ સર્વિસ પરીક્ષા 2023ની સૂચના આવવાની છે. IAS Prelims માટે ઓનલાઇન રજીસ્ટ્રેશન upsc.gov.in પર થશે.
યુનિયન પબ્લિક સર્વિસ કમિશનની (UPSC) સૌથી પ્રતિષ્ઠિત અને લોકપ્રિય પરીક્ષા Civil Services Exam 2023ની રાહનો અંત આવી રહ્યો છે. UPSC સિવિલ સર્વિસ પરીક્ષા 2023ની સૂચના જાહેર કરી રહી છે. પહેલાથી જ નિર્ધારિત શેડ્યુલ મુજબ UPSC પ્રિલિમ્સ 2023ની સૂચના બુધવાર ફેબ્રુઆરી 1ના રોજ બહાર પાડવામાં આવશે.
આયોગની ઓફિશિયલ વેબસાઇટ upsc.gov.in પર જાહેર કરવામાં આવશે. UPSC CSE Registration પણ નોટિફિકેશન આવતાની સાથે જ શરૂ થશે. જો તમે UPSC IAS પરીક્ષાની તૈયારી કરી રહ્યા છો, તો તૈયાર થઈ જાઓ. બધા જરૂરી ડોક્યુમેન્ટ્સ બહાર કાઢો અને તેમને તૈયાર રાખો.
UPSC પ્રિલિમ્સ રજીસ્ટ્રેશન આ રીતે કરો
UPSC પરીક્ષાથી બધા જ લોકો વાકેફ છે. આ પરીક્ષાના ફોર્મ તમારે ઓનલાઈન ભરવા પડશે.
આ માટે અહીં આપેલા સ્ટેપ્સને ફોલો કરો….
- UPSC ની ઓફિશિયલ વેબસાઈટ upsc.gov.in પર જાઓ.
- હોમ પેજ પર What’s New સેક્શનમાં નોટિફિકેશન મળશે. સૌ પ્રથમ આ આખી જાહેરાત સારી રીતે વાંચો. તેમાં આપેલી માર્ગદર્શિકા મુજબ તમામ ડોક્યુમેન્ટ્સ તૈયાર કરો.
- તમને આ વેબસાઇટ પર રજીસ્ટ્રેશનનું નેવિગેશન મળશે. આ સિવાય તમે upsconline.nic.in પર પણ જઈ શકો છો.
- યુપીએસસી ઓનલાઈન પર જાઓ અને તમારી બેઝિક માહિતી ભરીને રજીસ્ટ્રેશન કરો.
- યુઝર આઈડી અને પાસવર્ડ જનરેટ થયા પછી તેની સાથે લોગિન કરો અને પછી UPSC Application Formમાં વિગતો ભરવાનું શરૂ કરો.
- બધા જરૂરી ડોક્યુમેન્ટ્સની સ્કેન કરેલી કોપી અપલોડ કરો. તમારો ફોટો અને સિગ્નેચર બતાવેલા ફોર્મેટમાં અપલોડ કરો.
- UPSC પરીક્ષા ફી ઓનલાઈન ભરો. ફોર્મ સબમિટ કરો. ભરેલું ફોર્મ ડાઉનલોડ કરો અને તેની પ્રિન્ટ આઉટ લો.
તમને 2023 UPSC પરીક્ષાનું ફોર્મ ભરવા માટે 1 ફેબ્રુઆરીથી 21 ફેબ્રુઆરી 2023 સુધીનો સમય આપવામાં આવશે. સિવિલ સર્વિસીસ પ્રિલિમિનરી પરીક્ષા રવિવાર, 28 મે, 2023ના રોજ દેશભરમાં લેવામાં આવશે.
UPSC IASની સાથે-સાથે ભારતીય વન સેવા એટલે કે IFS Exam 2023 માટેની અરજી પ્રક્રિયા પણ 1 ફેબ્રુઆરીથી જ શરૂ થશે.
UPSC પરીક્ષા પહેલા જોઈ લો આ એલર્ટ
યુનિયન પબ્લિક સર્વિસ કમિશને થોડાં દિવસો પહેલા એલર્ટ જાહેર કર્યું હતું. કહેવામાં આવ્યું હતું કે, નાની-નાની ભૂલો કરીને ઉમેદવારો પોતાને નુકસાન પહોંચાડે છે. આયોગે તે ભૂલો સુધારવાનો માર્ગ પણ જણાવ્યો છે.