UGC NET result 2022: તારીખ આવી ગઈ, જાણો ક્યારે આવશે UGC NETનું પરિણામ, જુઓ નોટિસ
યુજીસી નેટ પરિણામની રાહ જોઈ રહેલા ઉમેદવારો માટે મહત્વપૂર્ણ માહિતી છે. યુનિવર્સિટી ગ્રાન્ટ્સ કમિશને UGC NET ડિસેમ્બર 2020 અને જૂન 2021 પરીક્ષાઓના પરિણામો જાહેર કરવાની તારીખ જાહેર કરી છે.
UGC NET 2021-22 result date declared: યુજીસી નેટ પરિણામની રાહ જોઈ રહેલા ઉમેદવારો માટે મહત્વપૂર્ણ માહિતી છે. યુનિવર્સિટી ગ્રાન્ટ્સ કમિશન (UGC)એ UGC NET ડિસેમ્બર 2020 અને જૂન 2021 પરીક્ષાઓ (UGC NET result)ના પરિણામો જાહેર કરવાની તારીખ જાહેર કરી છે. આ સંદર્ભમાં UGC વેબસાઇટ ugc.ac.in અને NTA વેબસાઇટ nta.ac.in પર નોટિસ જાહેર કરવામાં આવી છે. UGC NETનું પરિણામ આગામી એક-બે દિવસમાં જાહેર કરવામાં આવશે તેવું કહેવામાં આવ્યું છે. પરિણામ નેશનલ ટેસ્ટિંગ એજન્સી (NTA) દ્વારા જાહેર કરવામાં આવશે. UGC NET પરિણામની લિંક સત્તાવાર વેબસાઇટ ugcnet.nta.nic.in પર સક્રિય કરવામાં આવશે.
UGC Press release regarding declaration of UGC-NET results#UGCNET pic.twitter.com/x7NYrOGERB
— UGC INDIA (@ugc_india) February 16, 2022
યુનિવર્સિટી ગ્રાન્ટ્સ કમિશન (UGC) એ પણ તેના ટ્વિટર હેન્ડલ @ugc_india પર ટ્વીટ કરીને આ સંદર્ભમાં માહિતી આપી છે. આ ઉપરાંત, કેન્દ્રીય શિક્ષણ પ્રધાન (Education Minister) ધર્મેન્દ્ર પ્રધાને પણ તેમના ટ્વિટર હેન્ડલ પર UGC NET 2021 પરિણામની તારીખની સૂચના શેર કરી છે.
UGC NET પરિણામ ક્યારે આવશે
યુજીસી દ્વારા જાહેર કરવામાં આવેલી નોટિસ મુજબ, યુજીસી નેટનું પરિણામ 17મી અથવા 18મી ફેબ્રુઆરી 2022ના રોજ જાહેર કરવામાં આવશે. યુજીસીના ચેરમેન (UGC Chairman) પ્રોફેસર એમ જગદીશ કુમારે કહ્યું છે કે, યુજીસી અને એનટીએ નેશનલ એલિજિબિલિટી ટેસ્ટ (નેટ)ના પરિણામ અંગે ઝડપથી સાથે મળીને કામ કરી રહ્યા છે. UGC નેટનું પરિણામ આગામી એક-બે દિવસમાં જાહેર થાય તે માટે તમામ પ્રયાસો કરવામાં આવી રહ્યા છે.
ઉલ્લેખનીય છે કે પ્રો. એમ જગદેશ કુમારને થોડા દિવસ પહેલા જ યુજીસીના નવા અધ્યક્ષ બનાવવામાં આવ્યા છે. આ પહેલા તેઓ જવાહરલાલ નેહરુ યુનિવર્સિટી (JNU)ના વાઇસ ચાન્સેલર હતા.
પરીક્ષા ક્યારે લેવામાં આવી હતી?
કોવિડ રોગચાળાને કારણે, UGC NET ડિસેમ્બર 2020 અને UGC NET જૂન 2021 બંને પરીક્ષાઓ તેમના પૂર્વ નિર્ધારિત સમય પર યોજાઈ શકી નથી. નવેમ્બર 2021થી જાન્યુઆરી 2022 દરમિયાન બંને ચક્ર માટેની પરીક્ષાઓ એકસાથે લેવામાં આવી હતી. NTA એ 20 નવેમ્બર 2021 થી 05 જાન્યુઆરી 2022 સુધી પરીક્ષાઓનું આયોજન કર્યું હતું. યુજીસી નેટ પરીક્ષા દેશના 239 શહેરોમાં કુલ 81 વિષયો માટે 837 કેન્દ્રો પર લેવામાં આવી હતી.
યુજીસી નેટ પરીક્ષા માટે 12 લાખથી વધુ ઉમેદવારોએ નોંધણી કરાવી હતી. પરીક્ષામાં હાજર રહેલા ઉમેદવારો પરિણામ જાહેર થયા પછી ugcnet.nta.nic.in પર જઈને તેમનું પરિણામ જોઈ શકશે.
આ પણ વાંચો: મુંબઈ : EDએ દાઉદ ઈબ્રાહિમ અને તેના સંબંધીઓ વિરુદ્ધ મની લોન્ડરિંગનો કેસ દાખલ કર્યો, જાણો સમગ્ર વિગત