NEET 2021ની પરીક્ષામાં આ વખતે થયો મોટો ફેરફાર, અહીં જાણો તમામ વિગતો

NEET 2021 Exam: રાષ્ટ્રીય પાત્રતા કમ પ્રવેશ પરીક્ષા 12 સપ્ટેમ્બર, 2021 ના ​​રોજ લેવામાં આવશે. નેશનલ ટેસ્ટિંગ એજન્સીએ NEET-2021ના ​​પેપરમાં મોટો ફેરફાર કર્યો છે.

NEET 2021ની પરીક્ષામાં આ વખતે થયો મોટો ફેરફાર, અહીં જાણો તમામ વિગતો
Big change in NEET 2021 exam

NEET 2021 Exam: નેશનલ ટેસ્ટિંગ એજન્સી (NTA)એ NEET-2021ના ​​પેપરમાં મોટો ફેરફાર કર્યો છે. આ વખતથી JEEની જેમ NEETમાં આંતરિક વિકલ્પ રજૂ કરવામાં આવ્યો છે. પ્રશ્ન પેટર્ન મુજબ, NEET 2021માં આવરી લેવામાં આવેલા ત્રણ વિષયો – ભૌતિકશાસ્ત્ર, રસાયણશાસ્ત્ર અને ગણિત – એ અને બી એમ બે વિભાગ હશે. પ્રથમ વિભાગમાં 35 ફરજિયાત પ્રશ્નો હશે જ્યારે બીજા વિભાગમાં 15 પ્રશ્નો હશે જેમાંથી વિદ્યાર્થીઓએ કોઈપણ 10ના જવાબ આપવાના રહેશે.

NTA મુજબ દરેક વિષયમાં બે વિભાગ હશે. વિભાગ Aમાં 35 પ્રશ્નો હશે અને વિભાગ Bમાં 15 પ્રશ્નો હશે. આ 15 પ્રશ્નોમાંથી ઉમેદવારે કોઈપણ 10 પ્રશ્નોના જવાબ આપવા પડશે. પ્રશ્નોની કુલ સંખ્યા અને સમયનો ઉપયોગ સમાન રહેશે. એન્જિનિયરિંગની પરીક્ષામાં પણ NTAએ 30 વૈકલ્પિક પ્રશ્નો ઉમેર્યા છે જેમાંથી વિદ્યાર્થીઓએ 25 જવાબ આપવાના રહેશે.

રજિસ્ટ્રેશનની મુદત લંબાવવામાં આવી

નેશનલ ટેસ્ટિંગ એજન્સી (NTA)એ અંડરગ્રેજ્યુએટ (NEET UG) 2021 માટે નેશનલ એલિજિબિલિટી કમ એન્ટ્રન્સ ટેસ્ટ માટે રજિસ્ટ્રેશનની છેલ્લી તારીખ 10 ઓગસ્ટ સુધી વધારી દીધી છે. એજન્સીએ કહ્યું કે, આ બીએસસી નર્સિંગ કોર્સમાં પ્રવેશ મેળવવા ઇચ્છતા વિદ્યાર્થીઓ સહિત મહત્વાકાંક્ષી ઉમેદવારોને મદદ કરવા માટે કરવામાં આવ્યું છે.

એજન્સીએ કહ્યું કે, અરજી સુધારણા વિન્ડો 11 ઓગસ્ટથી 14 ઓગસ્ટ સુધી ખુલશે. વિદ્યાર્થીઓ સત્તાવાર વેબસાઈટ neet.nta.nic.in પર જઈને ઓનલાઈન નોંધણી કરાવી શકે છે. રાષ્ટ્રીય પાત્રતા કમ પ્રવેશ પરીક્ષા 12 સપ્ટેમ્બર, 2021ના ​​રોજ લેવામાં આવશે. એજન્સી 198 શહેરોમાં પરીક્ષા લેશે.

 

આ પણ વાંચો: Tokyo Olympics 2020 Live : રવિ દહિયાએ રચ્યો ઈતિહાસ, ફાઈનલમાં સ્થાન મેળવ્યું,ભારતને અપાવશે પ્રથમ ગોલ્ડ મેડલ

આ પણ વાંચો: Vadodara : સુરતની ગજેરા સ્કૂલની મનમાનીને લઇને સીએમ રૂપાણીનું નિવેદન,કહ્યું નોટિફિકેશનનો ભંગ સરકાર નહિ ચલાવે

Read Full Article

Click on your DTH Provider to Add TV9 Gujarati