નવો યુગ, નવો હોદ્દો… ‘Chief AI Officer’ બનીને મેળવો કરોડોનું પેકેજ, જાણો આ હાઈ-પ્રોફાઈલ જોબ વિશે

ઝડપથી વધી રહેલ આર્ટિફિશિયલ ઈન્ટેલિજન્સ (AI) ટેકનોલોજીના યુગમાં કંપનીઓ હવે એક નવી ટોપ લેવલ પોસ્ટ બનાવી રહી છે, જે ‘Chief AI Officer’ (CAIO) છે. આ પદ સીધું કંપનીના હાયર મેનેજમેન્ટ (ઉચ્ચ વહીવટીતંત્ર) સાથે જોડાયેલું હોય છે. આવનારા સમયમાં આ પદ ઘણી સંસ્થાઓમાં CEO અને CTO જેટલું જ મહત્વનું માનવામાં આવી શકે છે.

ચીફ AI ઓફિસર (CAIO) શું હોય છે?

Chief AI Officer એવો અધિકારી છે કે, જે કંપનીની AI વ્યૂહરચના, ઇનોવેશન (નવીનતા) અને ટેકનોલોજી ઇન્ટિગ્રેશનની જવાબદારી સંભાળે છે.

તેમની મુખ્ય જવાબદારીઓ નીચે મુજબ હોય છે:

1. કંપની માટે AI રોડમેપ તૈયાર કરવો.
2. બિઝનેસમાં ઓટોમેશન અને AI ટૂલ્સનો અમલ કરવો.
3. ડેટા સુરક્ષા અને AI એથિક્સ (નૈતિકતા)નું પાલન સુનિશ્ચિત કરવું.
4. AI ટીમનું નેતૃત્વ કરવું.
5. અલગ-અલગ વિભાગો સાથે મળીને AI આધારિત નિર્ણયો લેવા.

સરળ શબ્દોમાં કહીએ તો, CAIO એ નક્કી કરે છે કે, કંપની AIનો ઉપયોગ કેવી રીતે કરે જેથી નફો, પ્રોડક્ટિવિટી અને ઇનોવેશન વધારી શકાય.

ભારતમાં ચીફ AI ઓફિસર (CAIO) તરીકે કરિયરની તકો:

ભારતમાં બેંકિંગ, ફિનટેક, ઈ-કોમર્સ, હેલ્થકેર, મેન્યુફેક્ચરિંગ અને ટેક કંપનીઓ ઝડપથી AI (આર્ટિફિશિયલ ઈન્ટેલિજન્સ) અપનાવી રહી છે. આ જ કારણ છે કે, હવે ‘AI લીડરશિપ’ રોલ માટેની માંગમાં મોટો ઉછાળો આવ્યો છે.

જો કે, ‘CAIO’ એ એક સિનિયર પદ છે. આ હોદ્દા સુધી પહોંચવા માટે લોકો શરૂઆતમાં ડેટા સાયન્ટિસ્ટ, મશીન લર્નિંગ એન્જિનિયર, AI રિસર્ચર, એનાલિટિક્સ મેનેજર અથવા AI પ્રોડક્ટ હેડ તરીકે કામ કરીને પોતાનું કરિયર ઘડે છે.

ચીફ AI ઓફિસર (CAIO) બનવા માટે જરૂરી લાયકાત:

• કોમ્પ્યુટર સાયન્સ, ડેટા સાયન્સ, AI અથવા મશીન લર્નિંગમાં ડિગ્રી.
• AI પ્રોજેક્ટ્સ સંભાળવાનો બહોળો અનુભવ.
• ટીમ લીડરશિપ અને મેનેજમેન્ટની કુશળતા.
• બિઝનેસ સ્ટ્રેટેજી (વ્યવસાયિક વ્યૂહરચના)ની ઊંડી સમજ.
• MBA અથવા ટેકનોલોજી મેનેજમેન્ટનો અભ્યાસ વધારાનો ફાયદો કરાવી શકે છે.

ચીફ AI ઓફિસરને કેટલી મળે છે ‘સેલેરી?

ભારતમાં ચીફ AI ઓફિસરનો પગાર ખૂબ જ આકર્ષક હોઈ શકે છે. આ સંપૂર્ણપણે તમારા અનુભવ (Experience) અને તમે કઈ બ્રાન્ડ કે કંપની માટે કામ કરી રહ્યા છો, તેના પર નિર્ભર કરે છે. મોટી અને પ્રતિષ્ઠિત કંપનીઓમાં આ પદ માટે વાર્ષિક પગાર અંદાજે ₹1 કરોડ કે તેથી વધુ હોઈ શકે છે.