Sovereign Gold કે Gold ETF રોકાણ માટે કયો વિકલ્પ શ્રેષ્ઠ ? કોણ વધુ વળતર આપશે, જાણો વિગતવાર
શરૂઆતથી જ સોનુ(Gold) લોકોનું પસંદગીનું રોકાણ વિકલ્પો રહ્યું છે. કોરોના સંકટમાં પણ લોકો વધુને વધુ સોનામાં રોકાણ કરી રહ્યા છે.
શરૂઆતથી જ સોનુ(Gold) લોકોનું પસંદગીનું રોકાણ વિકલ્પો રહ્યું છે. કોરોના સંકટમાં પણ લોકો વધુને વધુ સોનામાં રોકાણ કરી રહ્યા છે. હાલ સોનામાં રોકાણના ઘણા વિકલ્પો છે જેમાં સોવરિન ગોલ્ડ(sovereign gold) બોન્ડ અને ગોલ્ડ ઇટીએફ (Gold ETF) ઘણા લોકપ્રિય છે. બંનેમાં સારું વળતર મળે છે પરંતુ કઈ યોજના વધુ ફાયદાકારક છે તે જાણવા આ બાબતોની તુલના કરી શકાય છે.
ગોલ્ડ ઇટીએફ ટૂંકા ગાળા માટે ફાયદાકારક જો તમે ટૂંકા ગાળા માટે સોનામાં રોકાણ કરવા માંગો છો તો તમારા માટે ગોલ્ડ ઇટીએફ એક સારો વિકલ્પ છે. આમાં રોકાણકારને પોતાની ઇચ્છા પ્રમાણે પૈસા ઉપાડવાની છૂટ છે. તમે તેને તમારી સ્વતંત્ર ઇચ્છા પર ખરીદી અને વેચી શકો છો.
પરચેઝ ચાર્જ ઓછો છે ફિઝિકલ ગોલ્ડ જેમકે જવેલરીની તુલનામાં ગોલ્ડ ઇટીએફના પરચેઝ ચાર્જ ઓછા લાગે છે. આ સિવાય તેમાં 100 ટકા શુદ્ધતાની ખાતરી આપવામાં આવે છે. SIP દ્વારા રોકાણ કરવાનો વિકલ્પ પણ છે. લોન લેવા માટે ગોલ્ડ ઇટીએફનો ઉપયોગ સિક્યોરિટી તરીકે પણ થઈ શકે છે.
સોવરેન ગોલ્ડ બોન્ડ લોન્ગ ટર્મ માટે અસરકારક ટેક્સ અને રોકાણના નિષ્ણાતોના જણાવ્યા મુજબ મધ્યમ અને લાંબા ગાળાના રોકાણકારો માટે સોવરિન ગોલ્ડ બોન્ડ વધુ સારા છે. જો કે તેમાં 8 વર્ષનો લોકઇન પિરિયડ છે એટલે કે, આ પહેલાં તમે તેમાંથી પૈસા કાઢી શકતા નથી. જોકે લોક ઈન પિરિયડ બાદ પાકટી રકમ પર આવકવેરા છૂટની સાથે નિશ્ચિત વળતર મળેછે.
1 ગ્રામ થી ખરીદી કરી શકો છો સોવરિન ગોલ્ડ બોન્ડ્સ રૂપિયામાં ખરીદી શકાય છે અને તેનું મૂલ્ય વિવિધ ગ્રામ સોનામાં રાખવામાં આવશે. બોન્ડમાં લઘુત્તમ રોકાણ 1 ગ્રામ કરી શકાય છે જ્યારે કોઈ વ્યક્તિ માટે રોકાણની મહત્તમ મર્યાદા 4 કિલો નક્કી કરવામાં આવી છે. આ યોજના ભારત સરકાર દ્વારા શરૂ કરવામાં આવી હતી.