ઓગસ્ટ મહિનામાં UPI ટ્રાન્ઝેક્શનમાં મોટો વધારો, 10.73 લાખ કરોડ સુધી પહોંચ્યુ ડિજિટલ ટ્રાન્ઝેક્શન
NPCIએ જણાવ્યું છે કે જૂન મહિનામાં 586 કરોડ અને 10,14,384 કરોડ રૂપિયાના વ્યવહારો થયા છે. તે પછી જુલાઈમાં 628 કરોડ અને રૂ. 10,62,384 કરોડ અને ઓગસ્ટ મહિનામાં 657 કરોડ UPI વ્યવહારો અને રૂ. 10,72,792 કરોડના વ્યવહારો થયા.
દેશમાં ઓગસ્ટ મહિનામાં ડિજિટલ પેમેન્ટમાં (Digital Payment) સતત વધારો નોંધાયો છે. ગયા મહિને યુપીઆઈથી ડિજિટલ ટ્રાન્ઝેક્શન રૂ. 10.73 લાખ કરોડ સુધી પહોંચ્યું હતું. જુલાઈથી તેમાં થોડો વધારો જોવા મળી રહ્યો છે. UPIના કામ પર દેખરેખ રાખતી સરકારી સંસ્થા નેશનલ પેમેન્ટ્સ કોર્પોરેશન ઓફ ઈન્ડિયા (NPCI)એ તેનો ડેટા જાહેર કર્યો છે. NPCI અનુસાર ઓગસ્ટ મહિનામાં કુલ 657 કરોડ UPI ટ્રાન્ઝેક્શન થયા છે, જ્યારે જુલાઈમાં આ આંકડો 628 કરોડ હતો. NPCIએ ટ્વીટ કરીને આ જાણકારી આપી છે.
NPCIએ જણાવ્યું છે કે જૂન મહિનામાં 586 કરોડ અને 10,14,384 કરોડ રૂપિયાના વ્યવહારો થયા છે. તે પછી જુલાઈમાં 628 કરોડ અને રૂ. 10,62,384 કરોડ અને ઓગસ્ટ મહિનામાં 657 કરોડ UPI વ્યવહારો અને રૂ. 10,72,792 કરોડના વ્યવહારો થયા.
With UPI, make assured secure payments that are instant, simple, and safe.#UPI #DigitalPayments @GoI_MeitY @_DigitalIndia pic.twitter.com/ZgKBojkHeE
— NPCI (@NPCI_NPCI) September 1, 2022
UPI ટ્રાન્ઝેક્શનની જેમ, IMPSમાંથી ટ્રાન્ઝેક્શનમાં પણ મોટો વધારો થયો છે. IMPS દ્વારા ઈન્સ્ટન્ટ ફંડ ટ્રાન્સફર પણ કરવામાં આવે છે. પૈસા એક ચોક્કસ ખાતામાંથી બીજા ખાતામાં થોડા જ સમયમાં ટ્રાન્સફર થઈ જાય છે. આ પ્રકારના વ્યવહારો NEFT અને RTGS દ્વારા પણ કરવામાં આવે છે. આ તમામ ઓનલાઈન વ્યવહારોનો ભાગ છે. રોકડ વ્યવહારો ઘટાડવા ઓનલાઈન વ્યવહારોને પ્રોત્સાહન આપવામાં આવી રહ્યું છે. આ ટ્રાન્ઝેક્શન એટલા સરળ છે કે કોઈ પણ સમયમાં મોબાઈલમાંથી અન્ય વ્યક્તિના ખાતામાં પૈસા ટ્રાન્સફર થાય છે અને તેની માહિતી પણ રિયલ ટાઈમમાં ઉપલબ્ધ છે.
NPCIનો ડેટા દર્શાવે છે કે જૂન 2022માં 4,557 લાખ ટ્રાન્ઝેક્શન્સ દ્વારા 4,43,776.03 કરોડ રૂપિયાની લેણદેણ થઈ છે, જ્યારે જુલાઈમાં 4,608 લાખ IMPS ટ્રાન્ઝેક્શન્સથી 4,44,540.95 કરોડ રૂપિયા અને ઓગસ્ટમાં 4,669 લાખ IMPS ટ્રાન્ઝેક્શન્સ દ્વારા 4,45,988.96 કરોડ રૂપિયાના વ્યવહાર થયા છે.
AEPSમાં નોંધાયો ઘટાડો
બીજી તરફ આધાર બેસ્ડ પેમેન્ટ ટ્રાન્ઝેક્શન એટલે કે AEPSમાં ઘટાડો જોવા મળી રહ્યો છે. ઓગસ્ટમાં 10%નો ઘટાડો થયો છે અને તે 27,186 કરોડ રૂપિયા નોંધાયો છે. જુલાઈમાં AEPSમાંથી રૂ. 30,199 કરોડના વ્યવહારો થયા હતા. ટ્રાન્ઝેક્શનની સંખ્યા પર નજર કરીએ તો ઓગસ્ટમાં તેની સંખ્યા 11 કરોડથી ઘટીને 10.56 કરોડ થઈ ગઈ છે. AEPS પેમેન્ટ સિસ્ટમ તમને બેંક ખાતામાં પૈસા જમા કરવાની તેમજ રોકડ ઉપાડવાની મંજૂરી આપે છે. AEPSની મદદથી રોકડ જમા, રોકડ ઉપાડ, બેલેન્સ પૂછપરછ અને ફંડ ટ્રાન્સફરની સુવિધાનો લાભ લઈ શકાય છે. આ સુવિધા આધાર દ્વારા આપવામાં આવે છે અને જેમની પાસે બેંકનું ATM અથવા ડેબિટ કાર્ડ નથી, તેઓ બેંક સાથે ટ્રાન્ઝેક્શન કરી શકે છે.