આ IPO માં શેરનો ભાવ 100 રૂપિયાથી ઓછો, રોકાણકારોને મળી શકે 100 ટકાથી વધારે રિટર્ન
ડિસેમ્બર મહિનામાં આવેલા લગભગ તમામ IPOએ તેમના રોકાણકારોને જબરદસ્ત રિટર્ન આપ્યું છે. ટાટા ટેકનોલોજીસ હોય કે પછી IREDA બંને શેર અનુક્રમે 140 ટકા અને 56 ટકાના પ્રીમિયમ પર લિસ્ટ થયા હતા. હવે આવો જ IPO આવતા અઠવાડિયે આવવાનો છે. જેમાં તમે લિસ્ટિંગ સાથે જ 100 ટકાથી વધારે રિટર્ન મેળવી શકો છો.
ડિસેમ્બર મહિનામાં આવેલા લગભગ તમામ IPOએ તેમના રોકાણકારોને જબરદસ્ત રિટર્ન આપ્યું છે. ટાટા ટેકનોલોજીસ હોય કે પછી IREDA બંને શેર અનુક્રમે 140 ટકા અને 56 ટકાના પ્રીમિયમ પર લિસ્ટ થયા હતા. હવે આવો જ IPO આવતા અઠવાડિયે આવવાનો છે. જેમાં તમે લિસ્ટિંગ સાથે જ 100 ટકાથી વધારે રિટર્ન મેળવી શકો છો. ચાલો તેના વિશે જાણીએ.
52-55 રૂપિયાનો પ્રાઈસ બેન્ડ નક્કી કર્યો
આવતા વીકમાં 18 ડિસેમ્બરે જયપુર સ્થિત કંપની મોતીસન્સ જ્વેલર્સનો IPO લોન્ચ થવા જઈ રહ્યો છે. કંપનીએ IPO માટે 10 રૂપિયાની ફેસ વેલ્યુ ધરાવતા શેર માટે 52 – 55 રૂપિયાનો પ્રાઈસ બેન્ડ નક્કી કર્યો છે, પરંતુ તેનો ગ્રે માર્કેટ એટલે કે GMP ખૂબ સારો છે.
મોતીસન્સ જ્વેલર્સ IPO સારું રિટર્ન આપશે?
મોતીસન્સ જ્વેલર્સના IPO નું રિટર્ન કેવું હશે? તેને લગતી વિગતો શું છે? તેનો લોટ સાઈઝ શું છે? તેનો ગ્રે માર્કેટ પ્રાઈસ કેટલો ચાલે છે? તમને આ બધી વિગતો અહીં મળશે.
- IPO માં શેરનો પ્રાઈસ બેન્ડ 52-55 રૂપિયા છે.
- તમે મિનિમમ 250 શેરના 1 લોટમાં રોકાણ કરી શકો છો.
- IPO ની સાઈઝ 151.09 કરોડ રૂપિયા છે.
- IPO 18 ડિસેમ્બરે ખુલશે અને 20 ડિસેમ્બરે બંધ થશે.
- IPOનું લિસ્ટિંગ 26મી ડિસેમ્બરે થઈ શકે છે.
- જો તમને IPOમાં શેર નથી લાગતા તો તમારા રૂપિયા 22 ડિસેમ્બરે પરત મળશે.
- IPOમાં કંપની 2.74 કરોડ નવા શેર ઈશ્યુ કરવા જઈ રહી છે.
- ગ્રે માર્કેટમાં આ શેરને 60 રૂપિયાનું પ્રીમિયમ મળી રહ્યું છે.
- GMP અનુસાર આ શેર 115 રૂપિયા પર લિસ્ટ થઈ શકે છે. એટલે કે લિસ્ટિંગ સાથે જ રોકાણકારોને અંદાજે 109 ટકા રિટર્ન મળી શકે છે.
મોતીસન્સ જ્વેલર્સ એ જયપુર સ્થિત કંપની છે. તે બ્રાન્ડેડ જ્વેલરીમાં ડીલ કરે છે. બજારમાં તેની સ્પર્ધા પીસી જ્વેલર્સ, પીપી જ્વેલર્સ, મેહરાસન્સ જ્વેલર્સ, કલ્યાણ જ્વેલર્સ અને સેનકો સાથે થશે. ગોલ્ડ જ્વેલરીમાં હોલ માર્કિંગ ફરજિયાત થયા બાદ દેશમાં બ્રાન્ડેડ જ્વેલરીના વેચાણમાં વધારો થયો છે.
