RIL Share Price: AGM બાદ રિલાયન્સના શેરના ભાવમાં ઘટાડો થયો, 90 મિનિટમાં 27,700 કરોડ સ્વાહા
રિલાયન્સની એજીએમ શરૂ થતાની સાથે જ કંપનીનો શેર રૂ. 2483.50 સાથે દિવસની ટોચે પહોંચી ગયો હતો. તે સમયે કંપનીનું માર્કેટ કેપ 16,80,241.19 કરોડ રૂપિયા પર પહોંચી ગયું છે. જ્યારે બજાર બંધ થયું ત્યારે કંપનીનું માર્કેટ કેપ ઘટીને રૂ. 16,52,535.99 થયું હતું.
રિલાયન્સ ઇન્ડસ્ટ્રીઝની 46મી એજીએમ (RIL AGM 2023) પાસેથી રોકાણકારોને ઘણી અપેક્ષાઓ હતી. રોકાણકારો રિલાયન્સ જિયો (Reliance Jio) અને રિટેલના IPO વિશે સૌથી વધુ આશાવાદી હતા. જેના પર કોઈ જાહેરાત કરવામાં આવી નહીં. તેમજ તેણે કોઈ સંકેત પણ આપ્યો ન હતો. જેના કારણે રિલાયન્સ ઈન્ડસ્ટ્રીઝના શેરમાં ઘટાડો જોવા મળ્યો હતો. ખાસ વાત એ છે કે કંપનીના માર્કેટ કેપને 90 મિનિટમાં 27,700 કરોડ રૂપિયાથી વધુનું નુકસાન થયું છે.
બીજી તરફ, જિયો ફાઇનાન્શિયલના શેરમાં પણ એજીએમ દરમિયાન થોડો વધારો જોવા મળ્યો હતો, પરંતુ બજાર બંધ થયું ત્યાં સુધી શેર લાલ નિશાન પર બંધ રહ્યો હતો. ચાલો રિલાયન્સ ઇન્ડસ્ટ્રીઝના શેરના આંકડા પરથી સમજવાનો પ્રયાસ કરીએ.
રિલાયન્સના શેરના ભાવમાં ઘટાડો
AGMથી નિરાશ થઈને રોકાણકારોએ રિલાયન્સ ઈન્ડસ્ટ્રીઝના શેર વેચવાનું શરૂ કર્યું. રિલાયન્સની એજીએમ શરૂ થઈ ત્યારે કંપનીનો શેર રૂ. 2480 પર હતો, જે બજાર બંધ થયા બાદ ઘટાડા સાથે રૂ. 2442.55 પર બંધ થયો હતો. એકંદરે જોઈએ તો કંપનીના શેરમાં શુક્રવારની સરખામણીમાં 1.11 ટકા એટલે કે રૂ. 27.40નો ઘટાડો જોવા મળ્યો છે. દિવસના ટ્રેડિંગ સેશન દરમિયાન કંપનીનો શેર 2483.50 રૂપિયા સુધી પહોંચી ગયો હતો. શુક્રવારે કંપનીનો શેર રૂ. 2469.95 પર બંધ થયો હતો.
90 મિનિટમાં 27,700 કરોડ સ્વાહા
રિલાયન્સની એજીએમ શરૂ થતાની સાથે જ કંપનીનો શેર રૂ. 2483.50 સાથે દિવસની ટોચે પહોંચી ગયો હતો. તે સમયે કંપનીનું માર્કેટ કેપ 16,80,241.19 કરોડ રૂપિયા પર પહોંચી ગયું છે. જ્યારે બજાર બંધ થયું ત્યારે કંપનીનું માર્કેટ કેપ ઘટીને રૂ. 16,52,535.99 થયું હતું. તેનો અર્થ એ થયો કે લગભગ 90 મિનિટમાં કંપનીના માર્કેટ કેપમાંથી રૂ. 27,700 કરોડથી વધુનું નુકસાન થયું હતું.
આ પણ વાંચો : RIL AGM 2023: Jio Air Fiber 19 સપ્ટેમ્બરે લોન્ચ થશે, રિલાયન્સ રિટેલ અને જીયોના IPO અંગે કોઈ જાહેરાત નહીં
Jio Financial ના શેરમાં નજીવો ઘટાડો
Jio Financial ની જો વાત કરવામાં આવે તો શેરમાં ઘટાડો જોવા મળ્યો છે. BSE ડેટા અનુસાર, Jio Financial 0.28 ટકાના ઘટાડા સાથે રૂ. 211.65 પર બંધ થયો હતો. જ્યારે એજીએમ દરમિયાન, કંપનીનો શેર રૂ. 222.85 સાથે દિવસના ઉચ્ચ સ્તરે ગયો હતો. આજે શેર 216 રૂપિયા પર ખુલ્યો હતો, જ્યારે એક દિવસ પહેલા રૂ. 212.25 પર બંધ થયો હતો.
બિઝનેસ સહિતના સમાચાર વાંચવા અહીં ક્લિક કરો
