લોનધારકો માટે રાહતના સમાચાર, EMIમાં નહીં થાય કોઈ વધારો, RBIએ 6.5% રેપો રેટ યથાવત્ રાખ્યો
RBI MPC: RBI ગવર્નર શક્તિકાંતા દાસ દ્વારા શુક્રવારે, જૂન 7 ના રોજ નવી નાણાકીય નીતિની જાહેરાત કરવામાં આવી છે. ગવર્નર દ્વારા રેપો રેટને સતત 8મી વખત 6.5 ટકા પર યથાવત રાખવામાં આવ્યો છે.
ભારતીય રિઝર્વ બેંકના ગવર્નર શક્તિકાંત દાસે સતત 8મી વખત વ્યાજદરમાં વધારો નહીં કરવાનો નિર્ણય લીધો છે. રિઝર્વ બેંકનું ફોકસ અત્યારે મોંઘવારીને નિયંત્રણમાં લેવા પર છે. આરબીઆઈના આ નિર્ણયથી સામાન્ય લોકોની લોનની EMI વધશે નહીં. શુક્રવારે 7 જુને નવી નાણાકીય નીતિ જાહેર કરવામાં આવી છે. દાસે સતત 8મી વખત રેપો રેટને 6.5 ટકા પર યથાવત રાખ્યો છે. આ પહેલા છેલ્લી વખત ફેબ્રુઆરી 2023માં રેપો રેટમાં 0.25 ટકાનો વધારો કરવામાં આવ્યો હતો.
વ્યાજ દરોની સમીક્ષા કરવા માટે RBI MPCની બેઠક 5 જૂનથી 7 જૂનની વચ્ચે યોજાઈ હતી, જેમાં 6 સભ્યોની MPCમાંથી 4 MPC સભ્યોએ બહુમતીના આધારે વ્યાજ દરોમાં ફેરફાર ન કરવાનો નિર્ણય લીધો હતો. જોકે, યુરોપિયન સેન્ટ્રલ બેંકે ગુરુવારે વ્યાજ દરોમાં 0.25 ટકાનો ઘટાડો કર્યો હતો. જ્યારે કેનેડાએ પણ વ્યાજ દરમાં ઘટાડો કર્યો છે.
— ReserveBankOfIndia (@RBI) June 7, 2024
કેવો રહેશે મોંઘવારી દર ?
RBI MPCએ પણ અંદાજિત ફુગાવાના આંકડામાં કોઈ ફેરફાર કર્યો નથી. નાણાકીય વર્ષ 2025માં રિટેલ મોંઘવારી 4.5 ટકા રહી શકે છે. જ્યારે પ્રથમ ક્વાર્ટરમાં મોંઘવારી દર 4.9 ટકા રહેવાનો અંદાજ છે. બીજા ક્વાર્ટરમાં મોંઘવારી દર 3.8 ટકા રહી શકે છે. ત્રીજા ક્વાર્ટરમાં ફુગાવાનો દર 4.6 ટકા રહી શકે છે. જ્યારે ચોથા ક્વાર્ટરમાં મોંઘવારીનો આંકડો 4.5 ટકા રહી શકે છે. આરબીઆઈ ગવર્નરના જણાવ્યા અનુસાર, ચાલુ નાણાકીય વર્ષમાં ખાદ્ય મોંઘવારી પર નજર રાખવી પડશે. SBI અનુસાર, મે મહિનામાં મોંઘવારી દર 5 ટકા રહી શકે છે.
#WATCH | RBI Governor Shaktikanta Das says “The outlook on crude oil prices remains uncertain due to geopolitical tensions. Assuming a normal monsoon, CPI inflation for 2024-25 is projected at 4.5% with Q1 at 4.9%, Q2 at 3.8%, Q3 at 4.6% and Q4 at 4.5%, the risks are evenly… pic.twitter.com/fBAB5nIaTa
— ANI (@ANI) June 7, 2024
ગ્રોથ રેટના અંદાજમાં વધારો
GDPના મોરચે RBIનું સેન્ટિમેન્ટ સકારાત્મક રહ્યું છે. RBI ગવર્નરે GDP ગ્રોથ રેટના અંદાજમાં વધારો કર્યો છે. RBI ગવર્નરના જણાવ્યા અનુસાર, નાણાકીય વર્ષ 2025માં ભારતનો વિકાસ દર 7.2 ટકા રહી શકે છે. અગાઉ આરબીઆઈ ગવર્નરે 7 ટકાનો અંદાજ મૂક્યો હતો. જ્યારે પ્રથમ ક્વાર્ટરમાં 7.3 ટકા વૃદ્ધિની અપેક્ષા છે. બીજા ક્વાર્ટરમાં આ અંદાજ 7.2 ટકા હતો. જો આપણે ત્રીજા ક્વાર્ટરની વાત કરીએ તો તે 7.3 ટકા હોઈ શકે છે.
RBI Governor Shaktikanta Das says “GDP growth that we are now projecting for the current financial year 2024-25 is 7.2% with Q1 at 7.3%, Q2 at 7.2%, Q3 at 7.3%, and Q4 at 7.2%. The risks are evenly balanced.” pic.twitter.com/ANWPhBXbA8
— ANI (@ANI) June 7, 2024
ફેબ્રુઆરી 2023માં વ્યાજ દરમાં કરાયો હતો વધારો
મે 2022 થી ફેબ્રુઆરી 2023 સુધી વ્યાજ દરમાં વધારો કરવામાં આવ્યો હતો. રેપો રેટમાં 2.50 ટકાનો વધારો કરવામાં આવ્યો છે. જે પછી પોલિસી રેટ ઘટીને 6.50 ટકા થઈ ગયો. ત્યારપછી વ્યાજ દરોમાં કોઈ ફેરફાર થયો નથી. આનો અર્થ એ થયો કે છેલ્લી 8 મીટિંગમાં વ્યાજદરમાં કોઈ ફેરફાર થયો નથી.
સતત બે મહિનાથી મોંઘવારી દરમાં ઘટાડો
છેલ્લા બે મહિનામાં મોંઘવારીનો આંકડો 5 ટકાથી નીચે જોવા મળ્યો હતો. જ્યારે એપ્રિલ મહિનામાં મોંઘવારીનો આંકડો ઘટીને 4.83 ટકા પર આવી ગયો હતો. જ્યારે તે પહેલા માર્ચ મહિનામાં મોંઘવારીનો આંકડો 4.85 ટકા હતો. મતલબ કે મોંઘવારી નિયંત્રણમાં છે. SBI રિસર્ચના અહેવાલ મુજબ, ગ્રાહક ભાવ સૂચકાંક આધારિત ફુગાવો મે મહિનામાં 5 ટકા રહેવાનો અંદાજ છે (આ મહિનાના બીજા સપ્તાહમાં ડેટા જાહેર કરવામાં આવશે). RBIનો અંદાજ છે કે ચાલુ નાણાકીય વર્ષમાં ભારતનો ફુગાવાનો દર 4.5 ટકા રહી શકે છે.
