રાહતના સમાચાર : ટૂંક સમયમાં ફુગાવાનું દબાણ ઘટવા સાથે રિકવરી અને રોજગારીની તકો વધવાની નાણા મંત્રાલયને આશા

સમગ્ર વિશ્વમાં કેન્દ્રીય બેંકો દ્વારા દરમાં વધારા અંગેના આક્રમક વલણ છતાં મેક્રો ઈકોનોમિક સ્થિરતાને કારણે ભારતીય અર્થતંત્ર આગામી વર્ષોમાં મધ્યમથી ઊંચી ઝડપે વૃદ્ધિ કરવા માટે સારી સ્થિતિમાં છે. નાણા મંત્રાલય દ્વારા ગુરુવારે જારી કરાયેલા રિપોર્ટમાં આ વાત કહેવામાં આવી છે. રિપોર્ટમાં એમ પણ કહેવામાં આવ્યું છે કે ખરીફ પાકના આગમન સાથે આવનારા મહિનાઓમાં મોંઘવારીનું દબાણ ઘટશે અને બિઝનેસની સંભાવનાઓ સુધરવાની સાથે રોજગારીની તકો પણ વધશે.   આ સામે મંત્રાલયના ઓક્ટોબર 2022 માટેના માસિક આર્થિક સમીક્ષા અહેવાલમાં કહેવામાં આવ્યું છે કે અમેરિકાની કડક નાણાકીય નીતિ ભવિષ્યનું જોખમ છે. આનાથી શેરબજારમાં ઘટાડો, ચલણ વિનિમય દરમાં નબળાઈ આવી શકે છે.

મોંઘવારીથી મંદીનો ડર

રિપોર્ટમાં કહેવામાં આવ્યું છે કે વૈશ્વિક આર્થિક વૃદ્ધિના અંદાજમાં વધુ ઘટાડો, ઊંચો ફુગાવો અને બગડતી નાણાકીય સ્થિતિએ વૈશ્વિક મંદીની આશંકા વ્યક્ત કરી છે. સાથે જ વૈશ્વિક મંદીની ભારતના નિકાસ વ્યવસાય પર આડકતરી અસર પડી શકે છે. જો કે, સ્થિતિસ્થાપક સ્થાનિક માંગ, મજબૂત નાણાકીય વ્યવસ્થા અને પુનર્જીવિત રોકાણ ચક્ર સાથે માળખાકીય સુધારાઓ આર્થિક વૃદ્ધિને વેગ આપવા માટે મદદ કરશે.

રિપોર્ટમાં કહેવામાં આવ્યું છે કે, એક તરફ વિશ્વમાં કડક નાણાકીય નીતિએ આર્થિક વૃદ્ધિના અનુમાનને નબળું પાડ્યું છે તો બીજી તરફ મેક્રો ઇકોનોમિક સ્થિરતાને કારણે ભારતીય અર્થતંત્ર આગામી વર્ષોમાં મધ્યમ ગતિએ વૃદ્ધિ કરવા માટે સારી સ્થિતિમાં હોવાનું જણાય છે.

Web Stories View more

પ્રેમાનંદ મહારાજ વૃંદાવન કેમ છોડતા નથી? જણાવ્યું મોટું રહસ્ય

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

નવા પાક સાથે ફુગાવાનો દર ઘટશે

મંત્રાલયે કહ્યું કે ચાલુ નાણાકીય વર્ષમાં અત્યાર સુધી સરકારે દેશની ખાદ્ય સુરક્ષાની ચિંતાઓને સંબોધિત કરી છે અને સરકાર તેના પર પ્રાથમિકતા ધ્યાન આપી રહી છે. રિપોર્ટ અનુસાર આંતરરાષ્ટ્રીય કોમોડિટીના ભાવમાં સરળતા અને નવા ખરીફ પાકના આગમનથી પણ આવનારા મહિનાઓમાં ફુગાવાના દબાણને હળવું કરવામાં મદદ મળશે.મુખ્યત્વે આ વર્ષે ફેબ્રુઆરીમાં રશિયા-યુક્રેન યુદ્ધ બાદ સપ્લાય ચેઇનમાં વિક્ષેપને કારણે જથ્થાબંધ અને છૂટક ફુગાવો દેશમાં મોટાભાગના વર્ષના ઉચ્ચ સ્તરે રહ્યા હતા. જોકે ઓક્ટોબરમાં તેમાં ઘટાડો થયો છે. નોંધનીય છે કે રશિયા અને યુક્રેન આવશ્યક કૃષિ કોમોડિટીના સૌથી મહત્વપૂર્ણ ઉત્પાદકોમાંથી એક છે. તેમાં ઘઉં, મકાઈ, સૂર્યમુખીના બીજ અને ખાતર જેવા કાચા માલનો પણ સમાવેશ થાય છે.