Ratnaveer Precision Engineering IPO : આજે વધુ એક IPO માં રોકાણની તક મળશે, જાણો યોજનાની વિગતવાર માહિતી

Ratnaveer Precision Engineering IPO :  રત્નવીર પ્રિસિઝન એન્જિનિયરિંગે આજે પ્રારંભિક જાહેર ઓફર (IPO) પહેલા એન્કર રોકાણકારો પાસેથી રૂપિયા 49.5 કરોડ એકત્ર કર્યા હતા. કંપનીનો IPO આજે 4 સપ્ટેમ્બર 2023 સોમવારના રોજ સબસ્ક્રિપ્શન માટે ખુલ્યો છે.

આ IPO 6 સપ્ટેમ્બર સુધી સબસ્ક્રાઇબ કરી શકાશે. આ પહેલા કંપનીએ એન્કર રોકાણકારોને 50,52,000 શેર ફાળવ્યા છે. રત્નવીર પ્રિસિઝન એન્જિનિયરિંગે આ શેર એન્કર રોકાણકારોને શેર દીઠ રૂ. 98ના દરે ફાળવ્યા છે.

Ratnaveer Precision Engineering IPO Price Band

આ કંપનીએ આ IPO માટે 93-98 રૂપિયા પ્રતિ શેરની પ્રાઇસ બેન્ડ નક્કી કરી છે. રત્નવીર IPO માટે 150 શેરની લોટ સાઈઝ નક્કી કરવામાં આવી છે. આમ, આ IPO પર દાવ લગાવવા માટે ઓછામાં ઓછા 14,700 રૂપિયાની જરૂર પડશે.

રત્નવીર પ્રિસિઝન એન્જિનિયરિંગનો IPO 4 સપ્ટેમ્બરથી 6 સપ્ટેમ્બર વચ્ચે સબસ્ક્રિપ્શન માટે ઉપલબ્ધ રહેશે. સંભવિત સમયપત્રક અનુસાર, કંપની 11 સપ્ટેમ્બર, 2023 સુધીમાં શેરની ફાળવણી કરી શકે છે. કંપનીના શેર 13 સપ્ટેમ્બર સુધીમાં સફળ બિડર્સના ડીમેટ ખાતામાં જમા કરવામાં આવશે. આ IPOના લિસ્ટિંગની સંભવિત તારીખ 14 સપ્ટેમ્બર 2023 છે.

જાણો Ratnaveer Precision Engineeringવિશે 

આ IPO હેઠળ, રત્નવીર પ્રિસિઝન એન્જિનિયરિંગ રૂ. 135.24 કરોડના 13,800,000 શેર ઇશ્યૂ કરશે. તે જ સમયે, વર્તમાન શેરધારક વિજય રમણલાલ સંઘવી આ IPO હેઠળ રૂ. 29.79 કરોડના મૂલ્યના 3,040,000 શેર વેચશે. રત્નવીર IPOનું કુલ કદ રૂ. 165.03 કરોડ છે.

Ratnaveer Precision Engineering IPO GMP 

આ કંપનીના આઈપીઓની જીએમપી રૂ. 50 આસપાસ રહે છે. આ સૂચવે છે કે કંપનીના શેરનું લિસ્ટિંગ 50 ટકાથી વધુના પ્રીમિયમ સાથે રૂ. 148ના સ્તરે થઈ શકે છે. જો કે, અમે તમને અહીં જણાવી દઈએ કે ગ્રે માર્કેટ પ્રીમિયમ એક પ્રકારનું સૂચક છે અને લિસ્ટિંગ સમયે તેની કિંમત તદ્દન અલગ હોઈ શકે છે.

ડિસ્ક્લેમર : IPO માં રોકાણ શેરબજારના જોખમને આધીન છે.રોકાણ પહેલા આર્થિક સલાહકારની મદદ લેવા અમારી સલાહ છે.