સપ્ટેમ્બરમાં કમાણીની અઢળક તક, આ કંપનીઓ IPO લાવી રહી છે, રોકાણ પહેલા જાણો યોજનાઓ વિશે

Upcoming IPO : છેલ્લા કેટલાક સમયમાં રોકાણકારોએ પ્રારંભિક જાહેર ઓફરિંગ એટલે કે IPOમાં નાણાંનું મોટું રોકાણ કર્યું છે. જો તમે આ તક ચૂકી ગયા છો, તો ચિંતા કરવાની જરૂર નથી. સપ્ટેમ્બર મહિનામાં પણ ઘણી કંપનીઓ IPO દ્વારા નાણાં એકત્ર કરવા બજારમાં પ્રવેશ કરશે.

જો તમે પણ આ કંપનીઓના IPOમાં રોકાણ કરીને સારો નફો મેળવવા માંગો છો, તો તમારા પૈસા તૈયાર રાખો. શેરબજારમાં દસ્તક આપનાર કંપનીઓમાં  Ratnavir Precision Engineering, Jupiter Life Line Hospitals, EMS Limited and Kahan Packaging ના IPOનો સમાવેશ થાય છે.

Ratnavir Precision Engineering IPO

રત્નવીર પ્રિસિઝન એન્જિનિયરિંગનો IPO આજે  4 સપ્ટેમ્બરે સબસ્ક્રિપ્શન માટે ખુલશે. રોકાણકારો આ IPOમાં 6 સપ્ટેમ્બર સુધી બિડ કરી શકશે. તમને જણાવી દઈએ કે કંપની આ IPO દ્વારા માર્કેટમાંથી કુલ 165.03 કરોડ રૂપિયા એકત્ર કરવા માંગે છે. આ IPOમાં ફ્રેશ ઈશ્યુ દ્વારા 13,800,000 શેર અને ઓફર ફોર સેલ દ્વારા 3,040,000 શેર દાવ પર છે. IPOની પ્રાઇસ બેન્ડ 93-98 રૂપિયા અને ફેસ વેલ્યુ 10 રૂપિયા નક્કી કરવામાં આવી છે.

Jupiter Life Line Hospitals IPO

મલ્ટી-સ્પેશિયાલિટી હેલ્થકેર પ્રોવાઇડર જ્યુપિટર લાઇફ લાઇન હોસ્પિટલ્સનો IPO 6 સપ્ટેમ્બરે રોકાણકારો માટે ખુલશે અને 8 સપ્ટેમ્બરે બંધ થશે. કંપની આ IPO દ્વારા રૂ. 869 કરોડ એકત્ર કરવા માગે છે. તમને જણાવી દઈએ કે આ IPOમાં 542 કરોડ રૂપિયાનો નવો ઈશ્યુ અને 44.5 લાખ ઈક્વિટી શેર ઓફર ફોર સેલ દ્વારા પ્રસ્તાવિત છે. IPOની પ્રાઇસ બેન્ડ 695-735 રૂપિયા નક્કી કરવામાં આવી છે. તમને જણાવી દઈએ કે કંપનીના શેરની ફાળવણી 13 સપ્ટેમ્બરે કરવામાં આવશે.

EMS Limited IPO

સુએજ સોલ્યુશન પ્રોવાઇડર EMS લિમિટેડ 8 સપ્ટેમ્બરે સબસ્ક્રિપ્શન માટે ખુલશે જ્યારે તે 12 સપ્ટેમ્બરે બંધ થશે. કંપનીએ શેરની પ્રાઇસ બેન્ડ રૂ. 200 થી રૂ. 211 નક્કી કરી છે જ્યારે ફેસ વેલ્યુ રૂ. 10 છે. આ IPO દ્વારા કંપની બજારમાંથી રૂ. 321.24 કરોડ એકત્ર કરવા માગે છે. તમને જણાવી દઈએ કે આ IPO દ્વારા ફ્રેશ ઈશ્યુ અને 146.24 કરોડ રૂપિયાની ઓફર ફોર સેલ દ્વારા 82.94 લાખ શેર દાવ પર લાગશે. તે જ સમયે, કંપનીના શેરની ફાળવણી 15 સપ્ટેમ્બરના રોજ કરવામાં આવશે.

Kahan Packaging IPO

બલ્ક પેકેજિંગ સોલ્યુશન્સ સાથે સંબંધિત કંપની કહાન પેકેજિંગનો IPO 6 સપ્ટેમ્બરથી રોકાણકારો માટે ખુલશે, જ્યારે તે 8 સપ્ટેમ્બરે બંધ થશે. કંપનીએ IPOની પ્રાઇસ બેન્ડ 80 રૂપિયા પ્રતિ શેર નક્કી કરી છે. તમને જણાવી દઈએ કે કંપની આ આઈપીઓ દ્વારા 7.2 લાખ ઈક્વિટી શેર દ્વારા 5.76 કરોડ રૂપિયા એકત્ર કરવાનો લક્ષ્યાંક ધરાવે છે. શેરની ફાળવણી 13 સપ્ટેમ્બરે કરવામાં આવશે.