Petrol Diesel Price Today : ક્રૂડ ઓઈલની કિંમતમાં મોટો ઘટાડો થયો, શું સસ્તાં થયા પેટ્રોલ – ડીઝલ?

Petrol Diesel Price Today : આજે સમગ્ર દેશમાં હોળીનો તહેવાર ઉમંગ અને ઉત્સાહ સાથે મનાવવામાં આવી રહ્યો છે. હોળીનો તહેવાર એવા સમયે ઉજવવામાં આવે છે જ્યારે હવામાન પણ  બદલાઈ રહ્યું છે. શિયાળો પસાર થઈ રહ્યો છે અને ઉનાળો શરૂ થઈ ગયો છે. આ સાથે હોળીના અવસર પર દેશભરમાં ડીઝલ અને પેટ્રોલના ભાવમાં શું બદલાવ આવ્યોતે જાણવાની પણ આતુરતા રહે છે. આજે ક્રૂડ ઓઈલની કિંમતમાં મોટો ઘટાડો થયો છે. સરકારી ઓઈલ માર્કેટિંગ કંપનીઓ વૈશ્વિક બજારમાં ક્રૂડ ઓઈલના ભાવના આધારે ડીઝલ અને પેટ્રોલના છૂટક ભાવની સમીક્ષા કરે છે. વૈશ્વિક બજારમાં કાચા તેલના ભાવમાં ઘટાડો થયો છે. અમેરિકામાં વ્યાજદરમાં તીવ્ર વધારાની શક્યતાને કારણે ક્રૂડ ઓઈલના ભાવમાં ઘટાડો થયો છે.

બ્રેન્ટ ક્રૂડની કિંમત $2.89 અથવા 3.4 ટકા ઘટીને $83.29 પ્રતિ બેરલ થઈ ગઈ છે. એ જ રીતે, વેસ્ટ ટેક્સાસ ઇન્ટરમીડિયેટ ક્રૂડનો વાયદો $2.88 અથવા 3.6 ટકા ઘટીને $77.58 પ્રતિ બેરલ થયો હતો. 4 જાન્યુઆરી પછી કાચા તેલની કિંમતમાં આ સૌથી મોટો એક દિવસીય ઘટાડો છે. જોકે સરકારી ઓઈલ માર્કેટિંગ કંપનીઓએ આજે ​​દિલ્હી તેમજ અન્ય ત્રણ મહાનગરો મુંબઈ, કોલકાતા અને ચેન્નાઈમાં તેમની કિંમતોમાં કોઈ ફેરફાર કર્યો નથી.

દેશના ચાર મહાનગરોમાં પેટ્રોલ ડીઝલની કિંમત

• દિલ્હીમાં પેટ્રોલ રૂ. 96.72 અને ડીઝલ રૂ. 89.62 પ્રતિ લીટર
• મુંબઈમાં પેટ્રોલ રૂ. 106.35 અને ડીઝલ રૂ. 94.28 પ્રતિ લીટર
• ચેન્નાઈ પેટ્રોલ રૂ. 102.63 અને ડીઝલ રૂ. 94.24 પ્રતિ લીટર
• કોલકાતા પેટ્રોલ રૂ. 106.03 અને ડીઝલ રૂ. 92.76 પ્રતિ લીટર

ગુજરાતમાં (Petrol-Diesel Price Today in Gujarat) ગાંધીનગરમાં એક લીટર પેટ્રોલ 96.63 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 92.38 રૂપિયા પ્રતિ લીટર છે. રાજસ્થાન શ્રીગંગાનગરમાં એક લીટર પેટ્રોલ 113.49 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 98.24 રૂપિયા પ્રતિ લીટર છે.

ગુજરાતના ચાર મહાનગરોમાં પેટ્રોલ – ડીઝલના રેટ આ મુજબ છે

દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો

આ રીતે જાણો તમારા શહેરમાં પેટ્રોલ-ડીઝલની કિંમત

પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.