હાઇબ્રિડ મ્યુચ્યુઅલ ફંડ તરફ રોકાણકારોનો ઝુકાવ વધ્યો, 7 મહિનામાં 72હજાર કરોડ રૂપિયાથી વધુનું રોકાણ કરાયું
મ્યુચ્યુઅલ ફંડ્સ રોકાણ માટે શ્રેષ્ઠ વિકલ્પ તરીકે ઉભરી આવ્યા છે. તાજેતરના સમયમાં તેમાં રોકાણ કરનારા લોકોની સંખ્યામાં નોંધપાત્ર વધારો થયો છે. મ્યુચ્યુઅલ ફંડ્સમાં પણ લોકો હાઇબ્રિડ મ્યુચ્યુઅલ ફંડ સ્કીમ્સને વધુ પસંદ કરી રહ્યા છે. હાઇબ્રિડ મ્યુચ્યુઅલ ફંડ રોકાણકારોમાં વધુને વધુ લોકપ્રિય બની રહ્યા છે.
મ્યુચ્યુઅલ ફંડ્સ રોકાણ માટે શ્રેષ્ઠ વિકલ્પ તરીકે ઉભરી આવ્યા છે. તાજેતરના સમયમાં તેમાં રોકાણ કરનારા લોકોની સંખ્યામાં નોંધપાત્ર વધારો થયો છે. મ્યુચ્યુઅલ ફંડ્સમાં પણ લોકો હાઇબ્રિડ મ્યુચ્યુઅલ ફંડ સ્કીમ્સને વધુ પસંદ કરી રહ્યા છે. હાઇબ્રિડ મ્યુચ્યુઅલ ફંડ રોકાણકારોમાં વધુને વધુ લોકપ્રિય બની રહ્યા છે.
એક રિપોર્ટ અનુસાર છેલ્લા 7 મહિનામાં રોકાણકારોએ આ યોજનાઓમાં 72,000 કરોડ રૂપિયાથી વધુનું રોકાણ કર્યું છે. નિષ્ણાતો માને છે કે ડેટ ફંડ્સ માટે ટેક્સેશનમાં ફેરફાર અને આર્બિટ્રેજ કેટેગરીમાં જંગી રોકાણને કારણે આ યોજનાઓ તરફ લોકોનો ઝોક વધ્યો છે.
ઓક્ટોબર મહિનામ કેટલું રોકાણ કરાયું?
હાઇબ્રિડ મ્યુચ્યુઅલ ફંડ યોજનાઓ સામાન્ય રીતે અન્ય એસેટ કેટેગરીમાં રોકાણ કરે છે જેમ કે ઇક્વિટી, ડેટ સિક્યોરિટીઝ અને ક્યારેક તો સોનામાં. અહેવાલો સૂચવે છે કે હાઇબ્રિડ મ્યુચ્યુઅલ ફંડ્સ એપ્રિલથી બોન્ડ ફંડ્સ માટે ટેક્સમાં ફેરફાર કર્યા પછી નિયમિત રોકાણ આકર્ષી રહ્યા છે. આ રિપોર્ટમાં મ્યુચ્યુઅલ ફંડ એસોસિએશન ઓફ ઈન્ડિયાને ટાંકીને કહેવામાં આવ્યું છે કે ઓક્ટોબરમાં હાઈબ્રિડ સ્કીમ્સમાં 9,907 કરોડ રૂપિયાનું રોકાણ કરવામાં આવ્યું હતું. એપ્રિલ-સપ્ટેમ્બરમાં રોકાણનો આંકડો રૂ. 62,174 કરોડ હતો. ચાલુ નાણાકીય વર્ષના પ્રથમ સાત મહિનાની વાત કરીએ તો કુલ રોકાણ રૂ. 72,081 કરોડ સુધી પહોંચી ગયું છે.
રોકાણકારોની પસંદગી બન્યું
હાઇબ્રિડ મ્યુચ્યુઅલ ફંડ એ મધ્યમ અથવા ઓછા જોખમની રુચિ ધરાવતા રોકાણકારો માટે પસંદગી છે. હાઇબ્રિડ મ્યુચ્યુઅલ ફંડ્સ વિશે વાત કરીએ તો, આ તે ફંડ્સ છે જે ઇક્વિટી અને ડેટ બંનેમાં રોકાણ કરે છે. કેટલાક કિસ્સામાં સોના-ચાંદીમાં પણ રોકાણ કરવામાં આવે છે. આવા ફંડ ઇક્વિટી અને ડેટ બંનેમાં રોકાણ કરે છે તેથી તેઓ સ્થિરતા અને સંતુલિત વળતરનું આકર્ષક સંયોજન પ્રદાન કરે છે. ઇક્વિટીમાં પણ તેઓને લાર્જ, મિડ અને સ્મોલ કેપમાં રોકાણ કરવાની સ્વતંત્રતા છે. રોકાણકારોમાં તે અંગેની પસંદગી વધી રહી છે.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.