વધુ એકવાર મોંઘી થશે તમારી પર્સનલ લોન, સરકારે બદલેલા નિયમની અસર તમારી લોન પર પડશે

ભારતીય રિઝર્વ બેંકે કન્ઝ્યુમર લોનના વિતરણ અંગેના નિયમોમાં મોટો ફેરફાર કર્યો છે. કન્ઝ્યુમર લોનનું વિતરણ કરતી વખતે શેડ્યુલ કોમર્શિયલ બેંકો અને NBFCs દ્વારા બફર કરવાની રહેતી રકમની મર્યાદામાં વધારો કરવામાં આવ્યો છે.

મતલબ કે હવે કન્ઝ્યુમર લોનના વિતરણ માટે રિસ્ક વેઇટેજ વધારે રહશે. કન્ઝ્યુમર લોનમાં પર્સનલ લોનનો સમાવેશ થશે. આ નવી અને જૂની બંને લોન પર લાગુ થશે. જો કે, હોમ લોન, એજ્યુકેશન લોન, વ્હીકલ લોન અને ગોલ્ડ લોન અલગ રાખવામાં આવી છે. જોખમનું વેઇટેજ 25% વધ્યું છે. આ તાત્કાલિક અસરથી અમલમાં આવશે. બદલાયેલા નિયમોને કારણે પર્સનલ લોન મોંઘી થશે.

શેડ્યુલ કોમર્શિયલ બેંક માટે રિસ્કનું વેઇટેજ

આરબીઆઈની વેબસાઈટ પર ઉપલબ્ધ નોટિફિકેશનમાં કોમર્શિયલ બેંકો અંગે ઈશ્યુ કરાયેલા નિયમો અનુસાર ગ્રાહક ધિરાણ માટે રિસ્ક  વેઇટેજ 100% થી વધારીને 125% કરવામાં આવ્યું  છે. આ નવી અને જૂની બંને લોન પર લાગુ થશે. આમાં પર્સનલ લોનનો સમાવેશ કરવામાં આવ્યો છે. હાઉસિંગ લોન, એજ્યુકેશન લોન, વ્હીકલ લોન અને ગોલ્ડ લોન અલગ રાખવામાં આવી છે.

NBFCs સંબંધિત જારી કરાયેલા નિયમો અનુસાર, ગ્રાહક ધિરાણ માટે જોખમ વેઇટેજ 100% છે. હવે તે પણ વધારીને 125% કરવામાં આવી છે. આ નવી અને જૂની બંને લોન પર લાગુ થશે. તેમાં તમામ પ્રકારની છૂટક લોનનો સમાવેશ થશે. જોકે, હાઉસિંગ લોન, એજ્યુકેશન લોન, વ્હીકલ લોન, ગોલ્ડ લોન અલગ રાખવામાં આવી છે. આમાં, માઇક્રો ફાઇનાન્સ લોન અને સ્વ-સહાય જૂથોને વહેંચવામાં આવતી લોનને પણ અલગ રાખવામાં આવી છે.

ક્રેડિટ કાર્ડ એક્સપોઝર પર રિસ્ક વેઇટેજ

ક્રેડિટ કાર્ડ અંગે અનુસૂચિત વ્યાપારી બેંકોનું જોખમ વેઇટેજ 125% છે અને NBFCsનું જોખમ 100% છે. આ હવે વધારીને 150% અને 125% કરવામાં આવી છે.

વિવિધ બેંકો અથવા ફાઇનાન્સ કંપનીઓની લોનની શરતો અલગ હોઈ શકે છે પરંતુ કેટલાક મુદ્દા એવા છે જે મોટાભાગે સમાન હોય છે. તમને પર્સનલ લોન મળશે કે નહીં તે મોટાભાગે તમારી ઉંમર, તમારી આવક અને તમારા ક્રેડિટ સ્કોર પર આધાર રાખે છે. જો તમારી ઉંમર 21 થી 60 વર્ષની વચ્ચે હોય તો જ તમે લોન મેળવી શકો છો. બીજું મહત્વનું પરિમાણ તમારી આવક છે. તમને લોન આપતી કંપની અથવા બેંક તમારી આવકની તપાસ કરે છે જેથી તેઓ ખાતરી કરી શકે કે તમે લોનની રકમ ચૂકવી શકશો.

આ પણ વાંચો: ટાટા ટેક્નોલોજીસના આઇપીઓ માટે પ્રાઇસ બેન્ડ નક્કી કરાઈ, નિષ્ણાંતો અનુસાર ઈશ્યુ કરી શકે છે માલામાલ

બિઝનેસ સહિતના સમાચાર વાંચવા અહીં ક્લિક કરો