નિફ્ટી ઇન્ડેક્સમાં ફેરફાર કરાયા : જાણો કયા શેરને મળ્યું સ્થાન અને ક્યાં શેરને દેખાડયો બહારનો રસ્તો

બુધવારે નિફ્ટીના વિવિધ ઇન્ડેક્સમાં શેરમાં ફેરફારની જાહેરાત કરવામાં આવી છે. શેરબજારે માહિતી આપી છે કે એનએસઈની ઈન્ડેક્સ મેઈન્ટેનન્સ સબ કમિટી (ઈક્વિટી)એ શેરમાં થયેલા ફેરફારોની સમીક્ષા કરી છે અને શેરોમાં ફેરફાર કર્યા છે. આ તમામ ફેરફારો 28 માર્ચના સત્રથી અમલમાં છે.

જાણકારી અનુસાર નિફ્ટી 50માં એક શેર બદલાયો છે. જ્યારે નિફ્ટી નેક્સ્ટ ફિફ્ટી અને નિફ્ટી 100માં 5-5 શેરો બદલાયા છે. નિફ્ટી મિડકેપ 150માં 14 અને નિફ્ટી 500માં 34 શેરોમાં ફેરફાર કરવામાં આવ્યા છે. નિફ્ટી સ્મોલકેપ 250માં 36 શેરો બદલાયા છે. નિફ્ટી મિડકેપ સિલેક્ટમાં 4 શેરો બદલાયા છે.

ક્યા શેર બદલાયા ?

નિફ્ટી 50 ઇન્ડેક્સમાં એક સ્ટોક યુપીએલને ઇન્ડેક્સમાંથી બાકાત રાખવામાં આવ્યો છે જ્યારે શ્રીરામ ફાઈનાન્સને ઈન્ડેક્સમાં સ્થાન મળ્યું છે. આ ઉપરાંત અદાણી વિલ્મર, મુથૂટ ફાઇનાન્સ, પીઆઇ ઇન્ડસ્ટ્રીઝ, પ્રોક્ટર એન્ડ ગેમ્બલ હાઇજીન એન્ડ હેલ્થકેર અને શ્રીરામ ફાઇનાન્સને નિફ્ટી નેક્સ્ટ 50માંથી બાકાત રાખવામાં આવ્યા છે. અદાણી પાવર, ઇન્ડિયન રેલ્વે ફાઇનાન્સ કોર્પોરેશન, જિયો ફાઇનાન્સિયલ, પાવર ફાઇનાન્સ કોર્પોરેશન અને આરઇસીનો ઇન્ડેક્સમાં સમાવેશ કરવામાં આવ્યો છે.

નિફ્ટી 500માં 34 શેરોમાં ફેરફાર કરવામાં આવ્યા છે. ઇન્ડેક્સમાંથી બહાર નીકળનાર સ્ટોક્સમાં આરતી ડ્રગ્સ, ડેલ્ટા કોર્પ, ઇન્ફીબીમ એવન્યુ, લક્સ ઇન્ડસ્ટ્રીઝ, નઝારા ટેક્નોલોજી, ફાઇઝર, પ્રોક્ટર એન્ડ ગેમ્બલ હેલ્થ, રેન ઇન્ડસ્ટ્રીઝ, રેલીસ ઇન્ડિયા, રિલેક્સો, શીલા ફોમ, સિમ્ફની, TTK પ્રેસ્ટિજ, વી માર્ટ અને ઝેડ ઇઝનો સમાવેશ થાય છે.

આનંદરાથી વેલ્થ, કેપલિન પોઈન્ટ, સેલો વર્લ્ડ, ચેન્નાઈ પેટ્રોલિયમ, ગાર્ડન રીચ શિપબિલ્ડર્સ, GMDC, હોનાસા કન્ઝ્યુમર, IREDA, આઈનોક્સ વિન્ડ, J&K બેંક, Jio Financial, JSW ઈન્ફ્રા, RailTel Corporation, Titagarh Rail Systemsનો ઈન્ડેક્સમાં સમાવેશ કરવામાં આવ્યો છે. VodafoneIdea ને નિફ્ટી મિડકેપ સિલેક્ટમાં સામેલ કરવામાં આવ્યો છે.

કંપનીએ શું માહિતી આપી છે?

ફેરફારો વિશે માહિતી આપતા કંપનીએ જણાવ્યું હતું કે શ્રીરામ ફાઇનાન્સનો નિફ્ટી 50માં સમાવેશ કરવામાં આવ્યો છે કારણ કે તેની 6 મહિનાની સરેરાશ ફ્રી ફ્લોટ માર્કેટ કેપ UPL ના રિપ્લેસમેન્ટ માટે સંભવિત શેરોમાં સૌથી વધુ હતી. નિફ્ટી 50 માં ફેરફારો નિફ્ટી 50 સમાન વજન સૂચકાંક પર પણ લાગુ થશે. નિફ્ટી 500 ના સમાન ફેરફારો નિફ્ટી 500 મલ્ટિકેપ 50:25:25 ઇન્ડેક્સ પર પણ લાગુ થશે.

આ પણ વાંચો : સાલાસાર ટેકનો એન્જિનિયરિંગના શેરના ભાવમાં થઈ શકે વધારો, કંપનીને મળ્યો 200 કરોડ રૂપિયાનો ઓર્ડર