LIC IPO : વિદેશી રોકાણનો માર્ગ મોકળો કરવા આજે મંત્રીમંડળની બેઠક મળશે, FDI પોલિસીમાં ફેરફાર પર નિર્ણય લેવાશે
LIC દ્વારા DRHP એટલે કે IPO દરખાસ્ત સેબી સમક્ષ 13મી ફેબ્રુઆરીના રોજ સબમિટ કરવામાં આવી હતી. સરકાર LICમાં તેનો 5 ટકા હિસ્સો વેચવા જઈ રહી છે.
એલઆઈસીનો આઈપીઓ(LIC IPO) સરકાર માટે ખૂબ જ મહત્વપૂર્ણ છે. જો આ IPO સુપરહિટ બનાવો હોય તો વિદેશી રોકાણકારો(Foreign Investors) ની ભાગીદારી જરૂરી છે. વિદેશી રોકાણકારો માટે રસ્તો સાફ કરવાના ઉદ્દેશ્ય સાથે આજે કેન્દ્રીય કેબિનેટની મહત્વની બેઠક યોજાવાની છે. આ બેઠકમાં LICમાં ડિસઇન્વેસ્ટમેન્ટની સુવિધા માટે FDI પોલિસી (Foreign Direct Investment Policy)માં ફેરફાર કરવાના પ્રસ્તાવ પર વિચારણા કરવામાં આવશે.
ડિપાર્ટમેન્ટ ઓફ ઈન્ડસ્ટ્રી એન્ડ ઈન્ટરનલ ટ્રેડ પ્રમોશન (DPIIT)એ નાણા મંત્રાલય સાથે ચર્ચા કર્યા બાદ દરખાસ્ત મોકલી છે. હાલની એફડીઆઈ પોલિસી અનુસાર ઓટોમેટિક રૂટ હેઠળ વીમા ક્ષેત્રમાં 74 ટકા વિદેશી રોકાણને મંજૂરી છે. જો કે આ નિયમ ભારતીય જીવન વીમા નિગમને લાગુ પડતો નથી. તે એક અલગ કાયદા LIC એક્ટ દ્વારા સંચાલિત છે.
માર્કેટ રેગ્યુલેટર સેબી(SEBI)ના નિયમો અનુસાર FPI (Foreign Portfolio Investors) અને FDI (Foreign Direct Investment) બંનેને જાહેર ઓફર હેઠળ મંજૂરી છે. એલઆઈસી એક્ટમાં વિદેશી રોકાણ માટેની કોઈ જોગવાઈ ન હોવાથી વિદેશી રોકાણકારોની ભાગીદારીના સંદર્ભમાં સૂચિત એલઆઈસી આઈપીઓ સેબીના ધોરણોને અનુરૂપ લાવવાની જરૂર છે. કેબિનેટે ગયા વર્ષે જુલાઈમાં LIની પ્રારંભિક જાહેર ઓફરને મંજૂરી આપી હતી. એલઆઈસીએ આ મુદ્દા માટે માર્કેટ રેગ્યુલેટર સેબીને અરજી કરી છે.
સરકાર 60 હજાર કરોડ એકત્ર કરી શકે છે
LIC દ્વારા DRHP એટલે કે IPO દરખાસ્ત સેબી સમક્ષ 13મી ફેબ્રુઆરીના રોજ સબમિટ કરવામાં આવી હતી. સરકાર LICમાં તેનો 5 ટકા હિસ્સો વેચવા જઈ રહી છે. માનવામાં આવે છે કે આના દ્વારા સરકાર 60-63 હજાર કરોડ રૂપિયાનું ફંડ એકત્ર કરી શકે છે. સરકાર આ IPOમાં 31.6 કરોડ શેર ઇશ્યૂ કરશે. એલઆઈસી પોલિસીધારકો અને કર્મચારીઓને ઈશ્યુ પ્રાઈસ કરતા ઓછી કિંમત ઓફર કરવામાં આવશે. આ સિવાય તેમના માટે સબસ્ક્રિપ્શનમાં પણ રિઝર્વેશન રહેશે.
બજાર મૂલ્ય 16 લાખ કરોડ
સેબી સમક્ષ સબમિટ કરાયેલા દસ્તાવેજ અનુસાર LICનું એમ્બેડેડ મૂલ્ય રૂ. 5.4 લાખ કરોડ હોવાનો અંદાજ છે. આ 30 સપ્ટેમ્બર, 2021 સુધી છે. અત્યારે તેનું બજાર મૂલ્ય આપવામાં આવ્યું નથી. બજારનું માનવું છે કે LICનું બજાર મૂલ્ય રૂ. 16 લાખ કરોડ હોઈ શકે છે.
સૌથી મોટા IPO નો Paytm ના નામે રેકોર્ડ
LIC IPO ભારતના ઇતિહાસમાં સૌથી મોટો IPO હશે. આ રેકોર્ડ હાલમાં Paytm ના નામે છે જેણે 2021માં શેરબજારમાં પ્રવેશ કર્યો હતો. IPOની કિંમત 18,300 કરોડ રૂપિયા હતી. કોલ ઈન્ડિયાનો આઈપીઓ 2010માં આવ્યો હતો જેની કિંમત રૂ. 15500 કરોડ. 2008માં રિલાયન્સ પાવરનો IPO રૂ. 11,700 કરોડનો હતો.
આ પણ વાંચો : Petrol Diesel Price Today : આજે ક્રૂડના ભાવમાં ઘટાડો થયો, શું પેટ્રોલ – ડીઝલ મામલે મળી શકે છે રાહતના સમાચાર?
આ પણ વાંચો : દેશના સૌથી મોટા કારોબારી અને સૌથી મોટા રોકાણકાર બનશે પડોશી, જાણો બિગબુલના આલીશાન બંગલા વિશે
Latest News Updates
