તત્કાલ ટિકિટ બુકિંગ વખતે દર વખતે મળે છે માત્ર નિરાશા? એકાઉન્ટમાં અત્યારે જ ઓન કરી દો આ 3 સેટિંગ્સ, મિનિટોમાં કન્ફર્મ થશે સીટ!

તત્કાલ ટિકિટ બુક કરતી વખતે શું તમારા હાથમાં પણ માત્ર વેઇટિંગ ટિકિટ જ આવે છે? જો હા, તો સંભવ છે કે તમારા IRCTC એકાઉન્ટના કેટલાક ખાસ ફીચર્સ ઓફ હોય. જો તમે તમારા એકાઉન્ટમાં માસ્ટર લિસ્ટ, ઈ-વોલેટ અને ઓટો અપગ્રેડેશન જેવા ઓપ્શન્સને સેટ કરી લો, તો કન્ફર્મ તત્કાલ ટિકિટ મળવાની સંભાવના 90% સુધી વધી જાય છે. બેંક OTP અને પેસેન્જર ડિટેલ્સ ભરવાની ઝંઝટમાંથી મુક્તિ મેળવીને કન્ફર્મ ટિકિટ મેળવવાની પૂરી પ્રોસેસ અહીં સમજો.

Image Credit source: TV9 Network

Sachin Agrawal | Updated on: Jun 07, 2026 | 9:45 PM

મોટાભાગના લોકો એવું માનીને ચાલે છે કે તત્કાલ ટિકિટ કન્ફર્મ બુક થવી નસીબની વાત છે. પરંતુ વાસ્તવમાં આ સ્પીડની રમત છે. IRCTC ની એપ કે વેબસાઇટ પર જો તમે યોગ્ય સમયે સાચા સેટિંગ્સ ઓન રાખો, તો મનપસંદ સીટ અને કન્ફર્મ ટિકિટ બંને મેળવી શકાય છે. તેના માટે નીચે મુજબના ફીચર્સ સેટ કરી લો.

માસ્ટર લિસ્ટ સેટ કરો, તત્કાલ બુકિંગ ખુલતાની સાથે જ સેકન્ડોમાં સીટો ફૂલ થઈ જાય છે. તેવામાં મુસાફરોની વિગતો ટાઈપ કરવામાં સમય બગાડવાને બદલે તેને અગાઉથી સેવ રાખો, સૌથી પહેલા IRCTC એપ ખોલો અને’My Account’ સેક્શનમાં જાઓ. ત્યાં ‘My Master List’ ના ઓપ્શન પર ક્લિક કરો. હવે ‘Add Passenger’ પર ક્લિક કરીને મુસાફરનું નામ, જન્મતારીખ, જેન્ડર અને બર્થ પ્રેફરન્સ ભરીને સબમિટ કરી દો. હવે તત્કાલ બુકિંગ વખતે તમારે માત્ર પેસેન્જરને સિલેક્ટ કરવો પડશે, જેથી ટાઈપિંગનો સમય બચશે અને ટિકિટ તરત બુક થશે.

OTP ની ઝંઝટ ખતમ: IRCTC e-Wallet રીચાર્જ કરી લો, ઘણીવાર પેમેન્ટ કરતી વખતે બેંકના OTP ની રાહ જોવામાં જ સીટ હાથમાંથી નીકળી જાય છે. આનાથી બચવા માટે સૌથી બેસ્ટ ઓપ્શન છે IRCTC નું પોતાનું ઈ-વોલેટ: IRCTC ની વેબસાઇટ કે એપ પર લોગિન કરીને ‘IRCTC e-Wallet’ સેક્શન પર જાઓ. ‘Register Now’ પર ક્લિક કરીને તમારું પાન કાર્ડ કે અન્ય આઈડી કાર્ડ લિંક કરો. રજીસ્ટ્રેશન પછી વોલેટમાં અંદાજિત ભાડા મુજબ પૈસા ટોપ-અપ કરી લો. તત્કાલ બુકિંગ વખતે પેમેન્ટ મોડમાં ‘IRCTC e-Wallet’ પસંદ કરો. આનાથી કોઈ ઓટીપી વગર એક જ ક્લિકમાં સેકન્ડોની અંદર પેમેન્ટ થઈ જશે અને પૈસા અટકવાનું જોખમ પણ નહીં રહે.

પ્રીફર્ડ કોચ આઈડી: મનપસંદ ડબ્બામાં સીટ, જો તમે ઈચ્છતા હોવ કે તમને કોઈ ચોક્કસ બોગી કે કોચમાં જ સીટ મળે, તો આ સેટિંગ કામ લાગશે. ટ્રેન અને ક્લાસ પસંદ કર્યા પછી પેસેન્જર ડિટેલ્સ વાળા પેજ પર નીચે સ્ક્રોલ કરો. ત્યાં ‘Other Preferences’ ના ઓપ્શનમાં ‘Preferred Coach ID’ ના બોક્સ પર ટિક કરો. હવે તમારી પસંદગીનો કોચ નંબર જેમ કે S1, S2 અથવા A1, B1 લખી દો. આનાથી સિસ્ટમ તમારા માટે ઝડપથી સીટ શોધી શકશે.

વેટિંગ ટિકિટથી બચવા: ઓટો અપગ્રેડેશન ઓન કરો, તત્કાલ ટિકિટ બુક કરતી વખતે ક્યારેક પૈસા કપાયા પછી પણ વેઇટિંગ ટિકિટ મળી જતી હોય છે. આ નુકસાનથી બચવા માટે, પેસેન્જર ડિટેલ્સ પેજ પર ‘Other Preferences’ સેક્શનમાં જાઓ. અહીં ‘Consider for Auto-Upgradation’ ના ચેકબોક્સને ઓન (ટિક) કરી દો. તેની બરાબર નીચે આપેલા ‘Book only if confirm berths are allotted’ વાળા ઓપ્શનને સિલેક્ટ કરો.

આનાથી ફાયદો એ થશે કે જો તત્કાલ કોટા ફૂલ થઈ ગયો હશે, તો સિસ્ટમ તમને વેઇટિંગ ટિકિટ નહીં આપે અને તમારા પૈસા પણ સુરક્ષિત રહેશે.

આ પણ વાંચો: