Gold Price Today : સોનાની તેજી ધીમી પડી, જાણો આજે ક્યાં ભાવે વેચાઈ રહ્યું છે સોનું
સોનાના ભાવ MCX પર રેકોર્ડ તોડવા આતુર છે, ત્યાં હાજર બજારમાં તેની કિંમત પણ કોરોના પહેલાના સ્તરથી ઘણી ઉપર પહોંચી ગઈ છે. કોમોડિટી નિષ્ણાતોનો અંદાજ છે કે વર્ષ 2023માં સોનાની કિંમત 60 હજારની આસપાસ પહોંચી શકે છે.
વિક્રમી કિંમત તરફ આગળ વધી રહેલા સોનાની તેજી ધીમી પડી છે. છેલ્લા ટ્રેડિંગ સેશનમાં 56 હજારનો આંકડો વટાવનાર સોનું આજે 56 હજારની નીચે પાછું આવ્યું હતું. આજે મંગળવારે વાયદા બજારમાં પણ ચાંદીના ભાવમાં ઘટાડો જોવા મળ્યો છે અને આજે ચાંદીના ભાવમાં રૂ.400થી વધુનો ઘટાડો નોંધાયો છે. ચાંદી પણ 69 હજારની નીચે કારોબાર કરી રહી છે.મલ્ટિકોમોડિટી એક્સચેન્જ (MCX) પર મંગળવારે સવારે 10 વાગ્યે 24 કેરેટ શુદ્ધતાના સોનાનો વાયદો રૂ. 2ના નજીવા ઘટાડા સાથે 55,862 પર ટ્રેડ થઈ રહ્યો હતો જે 11.50 વાગે 55915 રૂપિયા ઉપર પહોંચ્યો હતો. અગાઉ સોનામાં 55,920 રૂપિયાના સ્તરે વેપાર શરૂ થયો હતો. છેલ્લા ટ્રેડિંગ સેશનમાં સોનાની કિંમતમાં મોટો ઉછાળો આવ્યો હતો અને આ રેકોર્ડ 56,200ની ઉપર જતો જોવા મળ્યો હતો. જોકે, બાદમાં વેચવાલી જોવા મળી હતી અને સોનાના ભાવમાં ઘટાડો થયો હતો.
એક નજર સોનાના લેટેસ્ટ ભાવ ઉપર | |
MCX GOLD : 55915.00 +51.00 (0.09%) – સવારે 11: 49 વાગે | |
ગુજરાતમાં 10 ગ્રામ સોનાના ભાવ આ મુજબ છે | |
Ahmedavad | 57850 |
Rajkot | 57850 |
(Source : aaravbullion) | |
દેશના ચાર મહાનગરોમાં 10 ગ્રામ સોનુ આ ભાવે ટ્રેડ થઇ રહ્યું છે | |
Chennai | 57130 |
Mumbai | 56130 |
Delhi | 56290 |
Kolkata | 56130 |
(Source : goodreturns) |
ચાંદીએ પણ તેની ચમક ગુમાવી
મંગળવારે MCX પર સવારે 10 વાગ્યે ચાંદીના વાયદાના ભાવ રૂ. 430 અથવા 0.62 ટકાના ઘટાડા સાથે 68,470 પર હતા. અગાઉ ચાંદીમાં 68,671 પર ખુલ્લેઆમ કારોબાર શરૂ થયો હતો. એક દિવસ પહેલા ચાંદીના વાયદાના ભાવ પણ 70 હજારની નજીક જતા દેખાતા હતા પરંતુ બાદમાં વેચવાલી વધવાને કારણે તેના ભાવમાં પણ ઘટાડો થયો હતો અને ભાવ ફરી એકવાર 69 હજારની નીચે આવી ગયો હતો.
વૈશ્વિક બજારમાં સોનું મજબૂત તો ચાંદી તૂટી
આજે આંતરરાષ્ટ્રીય બજારમાં પણ સોના અને ચાંદીના ભાવમાં ફેરફાર જોવા મળી રહ્યો છે. યુએસ માર્કેટમાં સોનાનો હાજર ભાવ 0.11 ટકા વધીને 1871.57 ડોલર પ્રતિ ઔંસ થયો હતો જ્યારે ચાંદીનો હાજર ભાવ 1.99 ટકા ઘટીને 23.52 ડોલર પ્રતિ ઔંસ થયો હતો. વૈશ્વિક બજારમાં પણ સોના-ચાંદીના ભાવમાં સતત વધારો જોવા મળી રહ્યો છે.
સોનાની આગાહી
સોનાના ભાવ MCX પર રેકોર્ડ તોડવા આતુર છે, ત્યાં હાજર બજારમાં તેની કિંમત પણ કોરોના પહેલાના સ્તરથી ઘણી ઉપર પહોંચી ગઈ છે. કોમોડિટી નિષ્ણાતોનો અંદાજ છે કે વર્ષ 2023માં સોનાની કિંમત 60 હજારની આસપાસ પહોંચી શકે છે. લગ્નની સિઝન શરૂ થયા બાદ તેની કિંમતોમાં જોરદાર ઉછાળો આવવાની આશા રાખવામાં આવી રહી છે.