પેટ્રોલ પંપ પર કઈ કઈ સુવિધા મફતમાં મળે છે? જાણો આ મફત સેવાઓ વિશે

તમે ઘણીવાર લોકોને પેટ્રોલ પંપ પર પેટ્રોલ ભરતા જોયા હશે, પરંતુ જ્યારે તેઓ રસ્તાની બાજુની દુકાનોમાં ટાયરમાં હવા ભરવા જાય છે, ત્યારે તેમને પૈસા ચૂકવવા પડે છે. પરંતુ શું તમે જાણો છો કે પેટ્રોલ પંપ પર આ બધી સુવિધાઓ ગ્રાહકોને મફતમાં પૂરી પાડવામાં આવે છે? હકીકતમાં, પેટ્રોલ પંપ પર ઘણી સુવિધાઓ મફતમાં પૂરી પાડવામાં આવે છે. જો પેટ્રોલ પંપ માલિક અથવા કોઈ કર્મચારી તમારાથી તેનો ઉપયોગ કરવા બદલ પૈસા માગે છે, તો તમે પેટ્રોલ પંપ સામે ફરિયાદ નોંધાવી શકો છો.

આ સુવિધાઓ મફત છે

તમે ઘણીવાર એવા લોકોને જોયા હશે કે જેઓ પોતાના વાહનોમાં પેટ્રોલ કે ડીઝલ ભરવા માટે પેટ્રોલ પંપ પર જાય છે, ત્યારે ફક્ત પેટ્રોલ ભરે છે અને પંપ છોડી દે છે, પછી દુકાનમાં જઈને ટાયરમાં હવા  ભરાવે છે અથવા બહારના શૌચાલયનો ઉપયોગ કરે છે. આનાથી ખર્ચ થાય છે. પરંતુ શું તમે જાણો છો કે પેટ્રોલ પંપ પર આ બધી સુવિધાઓ મફતમાં પૂરી પાડવામાં આવે છે? સરકારી નિયમો અનુસાર, ગ્રાહકોને આ સેવાઓ માટે કોઈ ફી ચૂકવવાની જરૂર નથી.

પેટ્રોલ પંપ પર મળતી મફત સેવાઓ

1. હવા ભરવાની સુવિધા (Air Filling):

પેટ્રોલ પંપ પર  પંપના માલીકે હવા ભરવાનું મશીન રાખવું પડે છે અને વાહનના ટાયરમાં હવા ભરવી સંપૂર્ણ મફત છે.

2. શુદ્ધ પીવાનું પાણી:

પંપ માલિકો આ હેતુ માટે RO અથવા પ્યુરિફાયર ઇન્સ્ટોલ કરે છે. કેટલાક પંપમાં રેફ્રિજરેટર પણ હોય છે જ્યાં લોકો ઠંડુ પાણી પી શકે છે. આ પણ મફત સેવાનો એક ભાગ છે.

3. શૌચાલય (Toilet Facility):

ગ્રાહકો માટે સ્વચ્છ ટોયલેટ સુવિધા ફરજિયાત છે. પેટ્રોલ પંપ પર શૌચાલયની સુવિધા હોવી આવશ્યક છે. ગ્રાહકોને આ સુવિધા મફતમાં પૂરી પાડવામાં આવે છે. પંપ માલિકે ખાતરી કરવી જોઈએ કે શૌચાલય સ્વચ્છ અને કાર્યરત છે. જો કોઈ સમસ્યા હોય, તો ગ્રાહકો ફરિયાદ કરી શકે છે, અને પંપ માલિકે તેનો જવાબ આપવો પડે છે.

4. ફર્સ્ટ એઇડ કીટ

દરેક પેટ્રોલ પંપ પર પ્રાથમિક ઉપચાર કિટ એટલે કે ફર્સ્ટ એડ કિટ રાખવી જરૂરી છે. દરેક પેટ્રોલ પંપ પર આ સુવિધા ગ્રાહકોને મફતમાં આપવામાં આવે છે. જો અચાનક કોઇ ઘટના બને તો હોસ્પિટલ પહોંચવા પહેલા આ કિટનો તાત્કાલિક ઉપયોગ કરી શકાય છે.

5. ફાયર સેફ્ટી સાધનો:

જ્યારે કોઈ કારણસર આગ જેવી ઘટના બને ત્યારે દરેક પેટ્રોલ પંપ પર ઇમરજન્સી માટે સેફ્ટી સાધનો ઉપલબ્ધ હોવા જોઈએ.

6. ફરિયાદ નોંધવાની સુવિધા:

પંપ માલિકોએ દરેક પંપ પર Complaint Book હોવી જરૂરી છે.

7. માપદંડ ચકાસણી (Quality Check)

તમે ફ્યુઅલની ગુણવત્તા અને માપ ચકાસવાની માંગ કરી શકો છો.

8. મોબાઇલ ચાર્જિંગ પોઈન્ટ:

જો તમારે ઇમરજન્સી કોલ કરવાની જરૂર હોય, તો પેટ્રોલ પંપ આ સુવિધા મફત આપે છે. આનો અર્થ એ છે કે પેટ્રોલ પંપ ખોલતી વખતે, ત્યાં એક ટેલિફોન નંબર સેટ કરવો આવશ્યક છે જેથી ગ્રાહકો જ્યારે પેટ્રોલ ભરવા આવે ત્યારે તેનો ઉપયોગ કરી શકે. કેટલાક પંપ પર ચાર્જિંગ પોઇન્ટ પણ આપવામાં આવે છે.

Weight Loss: સ્વસ્થ જીવન માટે સફેદ તલ, દરરોજ તેનું સેવન કરવાના 10 અસરકારક ફાયદા જાણો, વધુ સમાચાર વાંચવા અહીં ક્લિક કરો