વિશ્વના ટોચના 10 ધનિકોની યાદીમાં સ્થાન પામવા છતાં મુકેશ અંબાણી – ગૌતમ અદાણી કરતા આ બાબતે પાછળ પડયા
અદાણી ગ્રૂપના ગૌતમ અદાણી હુરુનની યાદીમાં 12મા ક્રમે હોઈ શકે છે પરંતુ તેમની સંપત્તિમાં એક વર્ષમાં સૌથી વધુ વધારો થયો છે. તેમની કુલ સંપત્તિ (ગૌતમ અદાણી નેટ વર્થ) 81 અબજ ડોલર (લગભગ રૂ. 6,143 અબજ) છે.
રિલાયન્સ ઈન્ડસ્ટ્રીઝ(RIL)ના ચેરમેન મુકેશ અંબાણી(Mukesh Ambani) વિશ્વના સૌથી ધનિક લોકોની હુરુન ગ્લોબલ રિચ લિસ્ટ 2022માં ટોપ-10માં સામેલ થનારા એકમાત્ર ભારતીય છે. 103 બિલિયન ડોલરની નેટવર્થ સાથે અંબાણીએ ‘ભારતના સૌથી ધનિક વ્યક્તિ’નું બિરુદ મેળવવા સાથે એશિયામાં પણ તેમની સંપત્તિમાં 24 ટકાનો વધારો થયો છે. RILના ચેરમેને ‘સૌથી ધનાઢ્ય ટેલિકોમ ઉદ્યોગસાહસિક’નો ખિતાબ પણ મેળવ્યો હતો. હુરુનના રિપોર્ટ અનુસાર અંબાણીએ 20 વર્ષમાં તેમની વારસામાં મળેલી સંપત્તિમાં 10 ગણો વધારો કર્યો જે 2002માં 10 અબજ ડોલર હતી. પરંતુ સંપત્તિ વૃદ્ધિની બાબતમાં ગૌતમ અદાણી(Gautam Adani)ની કોઈ બરાબરી નથી. તેમની પ્રોપર્ટીમાં દરરોજ કરોડો રૂપિયાનો ઉમેરો થાય છે.
અંબાણીની કુલ સંપત્તિ 103 અબજ ડોલર છે
હુરુનની યાદી અનુસાર રિલાયન્સ ઈન્ડસ્ટ્રીઝના વડા મુકેશ અંબાણીની કુલ સંપત્તિ 103 અબજ ડોલર (આશરે રૂ. 7,812 અબજ) છે. છેલ્લા એક વર્ષમાં તેમની સંપત્તિમાં 20 અબજ ડોલરનો વધારો થયો છે. તે જ સમયે, તે વિશ્વના ટોચના 10 સૌથી ધનિક લોકોની યાદીમાં 9મા નંબર પર છે જ્યારે તે ભારતના સૌથી ધનિક વ્યક્તિ છે.
અદાણીની દરરોજની કરોડોની કમાણી
અદાણી ગ્રૂપના ગૌતમ અદાણી હુરુનની યાદીમાં 12મા ક્રમે હોઈ શકે છે પરંતુ તેમની સંપત્તિમાં એક વર્ષમાં સૌથી વધુ વધારો થયો છે. તેમની કુલ સંપત્તિ (ગૌતમ અદાણી નેટ વર્થ) 81 અબજ ડોલર (લગભગ રૂ. 6,143 અબજ) છે. એક મીડિયા રિપોર્ટ અનુસાર તેમની સંપત્તિમાં ગત વર્ષમાં 49 અબજ ડોલરનો વધારો થયો છે. આ હિસાબે તેમની સંપત્તિમાં રૂ. 857 કરોડ પ્રતિ દિવસ વધ્યા છે.
ગૌતમ અદાણી વિશ્વના 12 માં ક્રમના ધનિક
દરમિયાન અદાણી ગ્રૂપના ચેરમેન ગૌતમ અદાણી અંબાણી કરતાં થોડા પાછળ છે જે યાદીમાં 12મા સૌથી ધનાઢ્ય ઉર્જા ઉદ્યોગસાહસિક તરીકે તેમનું નામ દર્જ કરાવવામાં સફળ રહ્યા છે. અદાણીએ ગયા વર્ષે સૌથી વધુ અસ્કયામતોનો ઉમેરો કર્યો હતો અને તેની કુલ 81 અબજ ડોલરની સંપત્તિમાં 49 અબજ ડોલરનો ઉમેરો કર્યો હતો.
એલન મસ્ક સૌથી ધનિક
ટેસ્લાના સ્થાપક અને સીઈઓ એલોન મસ્ક, હુરુનની વિશ્વના સૌથી ધનિક વ્યક્તિઓની યાદીમાં ટોચ પર છે. તેમની કુલ સંપત્તિ 205 અબજ ડોલર છે. એમેઝોનના વડા જેફ બેઝોસ 188 અબજની સંપત્તિ સાથે આ યાદીમાં બીજા સ્થાને છે.
ફાલ્ગુની નાયર એક સફળ મહિલા કારોબારી
નાયકાના સ્થાપક ફાલ્ગુની નાયરને 7.6 બિલિયન ડોલરની નેટવર્થ સાથે નવીનતમ અબજોપતિઓની શ્રેણીમાં ઉલ્લેખ કરવામાં આવ્યો છે. 2022 M3M હુરુન ગ્લોબલ રિચ લિસ્ટમાં 69 દેશોની 2,557 કંપનીઓ અને 3,381 અબજોપતિઓ છે. સંપત્તિમાં 2,071નો વધારો થયો છે જેમાંથી 490 નવા ચહેરા હતા. 942 ની અસ્કયામતોમાં ઘટાડો થયો અને 129 ડ્રોપ-ઓફ હતા. 35 મૃત્યુ પામ્યા હતા. 368ની મિલકતો સ્થિર રહી હતી. સરેરાશ ઉંમર 64 છે.
આ પણ વાંચો : Hurun global rich list 2022: વિશ્વના ટોચના 10 અબજોપતિઓની યાદીમાં એકમાત્ર ભારતીય મુકેશ અંબાણી સ્થાન પામ્યા, અદાણી 12 માં સ્થાને
આ પણ વાંચો : આજે તમને આશ્ચર્ય લાગશે પણ એક સૈકા પહેલા વૈભવી લોકો માટે અમેરિકાથી ભારતમાં બરફની આયાત થતી હતી, જાણો બરફના વેપારની રસપ્રદ માહિતી
Latest News Updates
