Commodity Market Today : સોનું નરમ પડ્યું પણ કેમ ચાંદીમાં ચળકાટ યથાવત? જાણો કારણ
Commodity Market Today : છેલ્લા 48 કલાકમાં સોનાની કિંમત(Gold Price) ભલે ઘટીને 58,400 રૂપિયા નજીક આવી ગઈ હોય પરંતુ ચાંદીની કિંમત(Silver Price)માં જબરદસ્ત વધારો જોવા મળ્યો છે. આ પાછળનું કારણ અમેરિકાના નબળા ઉત્પાદન પીએમઆઈ આંકડા અને રશિયામાં વધતી અસ્થિરતા માનવામાં આવે છે.
Commodity Market Today : છેલ્લા 48 કલાકમાં સોનાની કિંમત(Gold Price) ભલે ઘટીને 58,400 રૂપિયા નજીક આવી ગઈ હોય પરંતુ ચાંદીની કિંમત(Silver Price)માં જબરદસ્ત વધારો જોવા મળ્યો છે. આ પાછળનું કારણ અમેરિકાના નબળા ઉત્પાદન પીએમઆઈ આંકડા અને રશિયામાં વધતી અસ્થિરતા માનવામાં આવે છે. જોકે આ બંને દેશોના અહેવાલ ચાંદીના ભાવમાં વધારો કરવા માટે પૂરતા નથી. મેક્સિકો અને પેરુ જેવા દેશોમાંથી બહાર આવી રહેલા અહેવાલોએ ચાંદીને ચમકાવીદીધી છે. છેલ્લા 48 કલાકમાં ચાંદીના ભાવમાં 2300 રૂપિયાનો વધારો જોવા મળ્યો છે.
ઓછા સપ્લાયનો ભય
મેક્સિકોમાં ચાંદીને લઈને નિયમનકારી ફેરફારો થવા જઈ રહ્યા છે. જેના કારણે ચાંદીની ખાણમાં ઓછા રોકાણની ચિંતા વધી છે. સૂચિત નિયમનકારી ફેરફારો સંભવિતપણે ચાંદીના ખાણકામમાં રોકાણને અસર કરી શકે છે જે ચાંદીની વૈશ્વિક પુરવઠા અને માંગને નોંધપાત્ર રીતે અસર કરી શકે છે. બીજી તરફ પેરુમાં જાન્યુઆરીથી એપ્રિલ દરમિયાન ચાંદીના ઉત્પાદનમાં 7 ટકાનો ઘટાડો નોંધાયો છે. ઉત્પાદન ઘટવાથી પણ ચાંદીના ભાવ પર દબાણ વધ્યું છે. ઉત્પાદનમાં ઘટાડો થવાથી ચાંદીના પુરવઠામાં ઘટાડો થઈ શકે છે અને સંભવિત ભાવમાં વધારો થઈ શકે છે.
રશિયા અસ્થિરતાએ રોકાણકારોની ચિંતા વધારી
રશિયામાં અસ્થિરતાએ રોકાણકારોની ચિંતા વધારી છે જેના કારણે તેઓ સોના અને ચાંદી જેવા સુરક્ષિત આશ્રયસ્થાનો તરફ આગળ વધી રહ્યા છે. ભૌગોલિક રાજકીય તણાવ અને અનિશ્ચિતતા ઘણીવાર રોકાણકારોને અનિશ્ચિત સમયમાં સોના અને ચાંદી જેવા રોકાણ તરફ વળવા માટે પ્રેરિત કરે છે. આ ઉપરાંત યુએસના નબળા PMI ડેટાએ રોકાણકારોના સેન્ટિમેન્ટને થોડું સાવધ બનાવ્યું હતું. PMI મેન્યુફેક્ચરિંગ સેક્ટર કોઈપણ દેશના આર્થિક સ્વાસ્થ્યને માપે છે. ઇન્ડેક્સમાં ઘટાડો આર્થિક પ્રવૃત્તિમાં મંદીનો સંકેત આપે છે. જેના કારણે રોકાણકારો સોના-ચાંદી તરફ આગળ વધે છે.
ચાંદીમાં 2300 રૂપિયાનો વધારો
ગયા શુક્રવારથી આજ સુધીમાં ચાંદીના ભાવમાં રૂ.2300નો વધારો જોવા મળી રહ્યો છે. મળતી માહિતી મુજબ શુક્રવારે ચાંદી 68,371 રૂપિયા પ્રતિ કિલો સાથે દિવસના નીચલા સ્તરે પહોંચી ગઈ હતી. ત્યારપછી ચાંદીની કિંમતમાં 2300 રૂપિયાનો વધારો થયો છે અને મંગળવારે ચાંદીની કિંમત 70,675 રૂપિયા પ્રતિ કિલો સુધી પહોંચી ગઈ છે. સોમવારે પણ ચાંદીના ભાવમાં 1000 રૂપિયાથી વધુનો વધારો જોવા મળ્યો હતો.
આ પણ વાંચો : Global Market : SGX NIFTY માં વધારો જયારે અમેરિકાના બજારોમાં ઘટાડો નોંધાયો, ભારતીય શેરબજારની કેવી રહેશે શરૂઆત?
