Business Idea : અમૂલ-મધર ડેરીએ મોંઘુ કર્યું દૂધ, પણ તમે આ રીતે લાખો રુપિયા કમાઈ શકો છો
જો તમે દૂધનો બિઝનેસ કરો છો, તો ફ્રેન્ચાઇઝી કંપનીઓ તમારી પાસેથી નફામાં હિસ્સો માંગતી નથી, બલ્કે તેઓ તેમના ઉત્પાદનો કમિશન પર આપે છે, જેનાથી વધુ નફો મેળવવાની તમારી તકો વધી જાય છે. ચાલો જાણીએ કે આ મોંઘવારીમાં તમે કેવી રીતે નફો કમાઈ શકો છો.
દેશની અગ્રણી ડેરી કંપનીઓએ દૂધના ભાવમાં વધારો કર્યો છે. દૂધ કંપનીઓએ લીટર દીઠ રુપિયા 2 વધારો કર્યો છે. અમૂલ અને મધર ડેરી બંનેએ આ દરોમાં વધારો કર્યો છે. આવી સ્થિતિમાં તેઓ સામાન્ય માણસના ખિસ્સા પર વધુ બોજ નાખી રહ્યા છે. દૂધ એક એવું ઉત્પાદન છે જે આખા વર્ષ દરમિયાન ખવાય છે.
આવી સ્થિતિમાં જો તમે દૂધની મોંઘવારીથી પરેશાન છો, તો આ સમાચાર તમારા માટે ઉપયોગી સાબિત થઈ શકે છે. હા જો તમે દૂધનો ધંધો કરો છો તો તમે તેનાથી સારી એવી કમાણી કરી શકો છો. ચાલો તમને જણાવીએ કે કેવી રીતે…
જો તમે દૂધનો બિઝનેસ કરો છો, તો ફ્રેન્ચાઇઝીંગ કંપનીઓ તમને નફામાં હિસ્સો માંગતી નથી. આટલું જ નહીં કંપની તેના ઉત્પાદનોને કમિશન પર પ્રદાન કરે છે, જે તમારા વધુ નફો કમાવવાની તકો વધારે છે.
આ રીતે તમે અમૂલ ફ્રેન્ચાઈઝી મેળવી શકો છો
અમૂલની કોઈપણ ફ્રેન્ચાઈઝી લેવા માટે પૂરતી જમીન અથવા દુકાન હોવી જરૂરી છે. જો આ શરત પૂરી નહીં થાય તો કંપની તમને ફ્રેન્ચાઈઝી પણ નહીં આપે. તમે અમૂલ કંપની પાસેથી બે પ્રકારની ફ્રેન્ચાઈઝી લઈ શકો છો. પ્રથમ અમૂલ આઉટલેટ, પાર્લર અથવા કિઓસ્ક લઈ શકાય છે, જેના માટે તમારી પાસે 150 ચોરસ ફૂટની દુકાન હોવી આવશ્યક છે. તેવી જ રીતે આઈસ્ક્રીમ સ્કૂપિંગ પાર્લર માટે તમારી પાસે 300 ચોરસ ફૂટની દુકાન હોવી જરૂરી છે.
આટલી લાગે છે સિક્યોરિટી મની
અમૂલ આઉટલેટ ખોલવા માટે તમારે 25,000 રૂપિયાની સિક્યોરિટી જમા કરાવવી પડશે. ધ્યાનમાં રાખો કે તમને આ પૈસા પાછા નહીં મળે. આ સિવાય દુકાનને ફ્રેન્ચાઇઝી માટે લાયક બનાવવા માટે 1 લાખ 75 હજાર રૂપિયા ફ્રીઝર અને અન્ય સાધનો પાછળ ખર્ચવા પડશે. આ રીતે તમને લગભગ 2 લાખ રૂપિયાનો ખર્ચ થશે.
જો કે જો તમારે આઈસ્ક્રીમ પાર્લર ખોલવું હોય તો કંપની 50 હજાર રૂપિયાની સિક્યોરિટી લેશે, જ્યારે દુકાન તૈયાર કરવા માટે લગભગ 4 લાખ રૂપિયા લાગશે. આ ઉપરાંત વધુ સાધનોની પણ જરૂર પડશે. આના પર તમારો ખર્ચ લગભગ 1.50 લાખ રૂપિયા થશે અને તમારી કુલ કિંમત લગભગ 6 લાખ રૂપિયા હશે.
આ રીતે તમે કમાણી કરશો
કંપનીની વેબસાઇટ અનુસાર, અમૂલ તેની ફ્રેન્ચાઇઝીઓને MRP પર સારું કમિશન આપે છે. દૂધના પેકેટો પર 2.5 ટકા કમિશન, જેનો અર્થ છે કે જો ફુલ ક્રીમ દૂધની કિંમત હાલમાં રૂપિયા 68 પ્રતિ લિટર છે, તો તમને પ્રતિ લિટર રૂપિયા 1.70નો નફો થશે. તે ડેરી ઉત્પાદનો પર 10 ટકા અને આઈસ્ક્રીમ પર 20 ટકા કમિશન આપે છે. આ સિવાય કંપની આઇસક્રીમ, શેક અને હોટ ચોકલેટ ડ્રિંક પર 50 ટકા સુધી કમિશન આપે છે. જો તમારો બિઝનેસ આ રીતે શરૂ થાય છે તો તમે દર મહિને 1 થી 1.5 લાખ રૂપિયાનો નફો કમાઈ શકો છો.
