Budget 2024 : દેશ છોડતા પહેલા ફરજિયાત ટેક્સ ક્લિયરન્સ સર્ટિફિકેટ મેળવવું પડશે, 1 ઓક્ટોબરથી નિયમ લાગુ પડશે

Budget 2024 : બજેટમાં નાણામંત્રીએ એક અગત્યની જાહેરાત કરી છે. હવે ભારત છોડવા માટે જરૂરી ક્લિયરન્સ સર્ટિફિકેટ મેળવવા માટે નિયમો કડક બનાવવામાં આવ્યા છે. 1 ઓક્ટોબરથી ભારતમાં રહેતા કોઈપણ વ્યક્તિને બ્લેક મની એક્ટ હેઠળ તેઓ ક્લિયર છે તેની પુષ્ટિ કરતા ક્લિયરન્સ સર્ટિફિકેટની જરૂર પડશે.

આવકવેરા અધિનિયમની કલમ 230 મુજબ ભારતમાં રહેતી કોઈપણ વ્યક્તિએ દેશ છોડતા પહેલા ટેક્સ અધિકારીઓ પાસેથી પ્રમાણપત્ર મેળવવું આવશ્યક છે. આ પ્રમાણપત્ર પુષ્ટિ કરે છે કે વ્યક્તિનો કોઈ કર બાકી નથી અથવા કોઈ બાકી રકમ ચૂકવવાની વ્યવસ્થા કરવાની છે.આ જરૂરિયાત આવકવેરા અધિનિયમ તેમજ અગાઉના વેલ્થ ટેક્સ, ગિફ્ટ ટેક્સ અને એક્સપેન્ડિચર ટેક્સ એક્ટ હેઠળના કરને આવરી લે છે.

આ ફેરફાર 1 ઓક્ટોબર 2024થી લાગુ થશે

એક મીડિયા રિપોર્ટમાં જણાવાયું છે કે ટેક્સ નિષ્ણાતો માને છે કે નોટિફિકેશન અથવા આગામી નિયમો જરૂરિયાતોને વધુ સ્પષ્ટ કરશે.વર્ષ 2024ના બજેટમાં બ્લેક મની એક્ટની કલમ 42 અને 43 હેઠળ રિયલ એસ્ટેટ સિવાયની વિદેશી અસ્કયામતો  જો તેમની કુલ કિંમત રૂપિયા 20 લાખથી ઓછી હોય તો તેની જાણ ન કરવા બદલ રૂપિયા 10 લાખના દંડને દૂર કરવાની પણ દરખાસ્ત કરવામાં આવી હતી. આ ફેરફાર 1 ઓક્ટોબર 2024થી લાગુ થશે.દંડની જોગવાઈઓમાંથી આ મુક્તિ આ વિદેશી સંપત્તિઓની ખોટી અથવા બિન-રિપોર્ટિંગ પર પણ લાગુ પડે છે.

Web Stories View more

Liver Problem : લીવર ફેટી થયા પછી શરીરમાં કયા લક્ષણો દેખાય ?

શું દહીં ખાવાથી સુગર લેવલ વધે છે?

Shabar Mantra : હનુમાનજીનો સૌથી પ્રિય સાબર મંત્ર, જાણો તેના ચોંકાવનારા ફાયદા

પાકિસ્તાન કે ઈરાન નહીં, ભારતના આ પાડોશી દેશને નફરત કરે છે આખી દુનિયા

તમારા રસોડામાં રહેલી આ વસ્તુ ગરોળીને ઉભી પૂંછડીએ ઘરની બહાર ભગાડશે

AC માંથી ટપકવા લાગ્યું છે પાણી? લીકેજ રોકવા બસ કરી લો આટલું

વિદેશી સંપત્તિઓ અને તેની આવક જાહેર કરવી પડશે

જોગવાઈનો અર્થ એ છે કે દરેક વ્યક્તિ જે સામાન્ય રીતે ભારતના રહેવાસી છે તેમણે તેમની આવકવેરા રિટર્ન ફાઇલ કરતી વખતે તમામ શેર અને સિક્યોરિટીઝ જેવા રોકાણો સહિત વિદેશી સંપત્તિઓ અને આ સંપત્તિમાંથી કોઈપણ આવક જાહેર કરવી આવશ્યક છે. જો તેઓ વિદેશી આવક અને સંપત્તિની જાણ કરતા નથી અથવા તેમને સંબંધિત ITR સબમિટ કરવામાં નિષ્ફળ જાય છે તો તેઓ સંપત્તિની કિંમતને ધ્યાનમાં લીધા વિના બ્લેક મની એક્ટની કલમ 42 અથવા 43 હેઠળ ₹10 લાખના દંડનો સામનો કરી શકે છે.

જો કે, આ વિભાગો પાછલા વર્ષ દરમિયાન કોઈપણ સમયે ₹5 લાખથી વધુ ન હોય તેવા કુલ બેલેન્સવાળા એક અથવા વધુ બેંક ખાતાઓને લાગુ પડતા નથી.

આ પણ વાંચો : અમદાવાદની કંપનીના 14 રૂપિયાના શેરમાં 11,000 ટકાનો જોરદાર વધારો, મળ્યો 150 કરોડનો મોટો ઓર્ડર, જાણો કંપની વિશે