Kia ઇન્ડિયાએ લગભગ બે મહિના પહેલા કાર લીઝ પર આપવાની પહેલ શરૂ કરી હતી. આ યાદીમાં Kia EV6નું નામ પણ સામેલ કરવામાં આવ્યું છે. તમે આ લક્ઝરી ઇલેક્ટ્રિક કારને ખાસ લીઝ પર લઈ શકો છો. Kia EV6નું એક મહિનાનું ભાડું રૂ. 1.29 લાખ છે. આમાં વીમો, મેન્ટેનન્સ, પિક-અપ/ડ્રોપ, 24×7 અસિસ્ટેનસ અને શેડ્યૂલ-અનશેડ્યૂલ સર્વિસનો સમાવેશ થાય છે. તેનો અર્થ એ છે કે માસિક ભાડું અને ચાર્જિંગ સિવાય તમારે અન્ય કોઈ ખર્ચ ભોગવવો પડશે નહીં.
Kia EV6 લીઝ પર લેવા માટે, અમુક શરતો પૂરી કરવી આવશ્યક છે. આ EV ફક્ત ચાર વિશેષ વર્ગના લોકોને લીઝ પર આપવામાં આવશે, જેમાં…
આ કારની બેટરીને 350 kW ચાર્જરની મદદથી માત્ર 18 મિનિટમાં 0 થી 80 ટકા સુધી ચાર્જ કરી શકાય છે. તેની સાથે 77.4 kWhનું બેટરી પેક છે. તેની મોટર 225.86 થી 320.55 bhp પાવર જનરેટ કરી શકે છે. ડીસી ચાર્જરની મદદથી તેને 10 થી 80 ટકા સુધી ચાર્જ કરવામાં 73 મિનિટનો સમય લાગે છે. તેની ટોપ સ્પીડ 192 કિલોમીટર પ્રતિ કલાક છે.
એકવાર સંપૂર્ણ ચાર્જ થયા પછી તે 708 કિલોમીટર સુધીની રેન્જ મેળવે છે. આ કાર સ્પોર્ટી પરફોર્મન્સ આપે છે. તે માત્ર 5.2 સેકન્ડમાં 0 થી 100 કિલોમીટર પ્રતિ કલાકની ઝડપ પકડી શકે છે.
કંપનીનો દાવો છે કે EV6 ભારતીય માર્કેટમાં સૌથી સુરક્ષિત કારમાંથી એક છે. તેમાં ADAS લેવલ 2 સ્યુટ, 8 એરબેગ્સ, ઈલેક્ટ્રોનિક સ્ટેબિલિટી કંટ્રોલ, રિયર ક્રોસ ટ્રાફિક એલર્ટ, બ્લાઈન્ડ સ્પોટ મોનિટરિંગ અને 360 ડિગ્રી કેમેરા ફીચર્સ છે. ગ્લોબલ NCAPએ આ ઇલેક્ટ્રિક કારને કાર ક્રેશ સેફ્ટી ટેસ્ટમાં 5-સ્ટાર રેટિંગ આપ્યું છે.
ભારતીય બજારમાં Kia EV6ની કિંમત 64.11 લાખ રૂપિયાથી 69.35 લાખ રૂપિયાની વચ્ચે છે, જે એક્સ-શોરૂમ છે. આટલા પૈસા ખર્ચવાને બદલે તમે તેને થોડા મહિના માટે ભાડે લઈ શકો છો. તમને જણાવી દઈએ કે Kia ઈન્ડિયાએ ORIX ઓટો ઈન્ફ્રાસ્ટ્રક્ચર સર્વિસિસ લિમિટેડ સાથે ભાગીદારીમાં કાર લીઝિંગ પ્રોગ્રામ શરૂ કર્યો છે.