ટોલ પ્લાઝા પર FASTag કામ નથી કરી રહ્યું ? તાકીદે આમ કરો

જો તમારી કારનો FASTag અચાનક ટોલ પ્લાઝા પર કામ કરવાનું બંધ કરી દે, તો ચિંતા કરવાની કે ગભરાવાની જરૂર નથી. ઘણા વાહન માલિકોએ તાજેતરમાં આ સમસ્યાનો સામનો કરવો પડ્યો છે. આનું મુખ્ય કારણ KYV (તમારા વાહનને જાણો) વેરિફિકેશન પ્રક્રિયા છે. જેને નેશનલ હાઇવે ઓથોરિટી ઓફ ઇન્ડિયા (NHAI) દ્વારા ફરજિયાત બનાવવામાં આવી છે. આ સિસ્ટમ ખાતરી કરે છે કે દરેક FASTag યોગ્ય વાહન સાથે જોડાયેલ છે અને તેનો દુરુપયોગ થતો નથી.

FASTag KYV શું છે?

FASTag KYV એ વાહન ઓળખ પ્રક્રિયાનો એક પ્રકાર છે. આ હેઠળ, વાહન માલિકે સાબિત કરવું આવશ્યક છે કે FASTag સ્ટીકર તે વાહન પર ચોંટાડવામાં આવે છે જેના માટે તે જાહેર કરવામાં આવ્યું હતો. આ ચકાસણી માટે કારનું નોંધણી પ્રમાણપત્ર અને વાહનનો ફોટોગ્રાફ અપલોડ કરવો જરૂરી છે. આ પ્રક્રિયાનો હેતુ છેતરપિંડી અટકાવવાનો છે. ખાસ કરીને એવા કિસ્સાઓમાં જ્યાં વાણિજ્યિક વાહનો અન્ય વાહનોના ટેગનો દુરૂપયોગ કરે છે.

જોકે, જ્યારે આ પ્રક્રિયા શરૂ કરવામાં આવી, ત્યારે ઘણા ખાનગી વાહન માલિકોને મુશ્કેલીઓનો સામનો કરવો પડ્યો. આને ધ્યાનમાં રાખીને, NHAI એ હવે કેટલાક નોંધપાત્ર ફેરફારો કર્યા છે.

FASTag KYV માં શું બદલાવ આવ્યો છે?

હવે પહેલાની જેમ બહુવિધ ફોટા અપલોડ કરવાની જરૂર નથી. વાહન માલિકોએ ફક્ત આગળનો ફોટો અપલોડ કરવાની જરૂર પડશે, જેમાં નંબર પ્લેટ અને વિન્ડશિલ્ડ પર ઇન્સ્ટોલ કરેલો FASTag સ્પષ્ટપણે દેખાતો હોય.

• જ્યારે તમે તમારા વાહનનો નંબર દાખલ કરો છો, ત્યારે સિસ્ટમ આપમેળે વાહન ડેટાબેઝમાંથી RC માહિતી ખેંચી લેશે.
• જો KYV કોઈપણ કારણોસર અપૂર્ણ છે, તો FASTag હવે તાત્કાલિક નિષ્ક્રિય રહેશે નહીં.
• તેના બદલે, NHAI પ્રક્રિયા પૂર્ણ કરવા માટે વાહન માલિકને SMS રીમાઇન્ડર મોકલશે.
• જો એક કરતા વધુ વાહનોમાં એક જ મોબાઇલ નંબર પર FASTag નોંધાયેલા હોય, તો માલિક હવે પહેલા કયા વાહનની ચકાસણી કરવી તે પસંદ કરી શકે છે.
• વધુમાં, જો દસ્તાવેજો અપલોડ કરવામાં કોઈ સમસ્યા હોય, તો સંબંધિત બેંક, ગ્રાહકનો સંપર્ક કરશે અને સહાય પૂરી પાડશે.

FASTag KYV કેવી રીતે કરવું?

• સૌપ્રથમ, વેબસાઇટ https://fastag.ihmcl.com ની મુલાકાત લો.
• તમારા રજિસ્ટર્ડ મોબાઇલ નંબરથી લોગ ઈન કરો.
• નંબર પ્લેટ અને FASTag દર્શાવતા તમારા વાહનનો આગળનો ફોટો અપલોડ કરો.
• RC માહિતી આપમેળે ભરવામાં આવશે. તેને તપાસો અને સબમિટ કરો.
• જો તમારા FASTagનું સ્ટીકર વિન્ડશિલ્ડ પર યોગ્ય રીતે જોડાયેલું હોય અને તેનો દુરુપયોગ ના થાય, તો તે સક્રિય રહેશે.

ફાસ્ટેગને લગતા તમામ સમાચારો જાણવા માટે તમે અહીં ક્લિક કરો.