“Gujju” શબ્દ વાપરતા ટ્રોલ થયા બાદ, સસ્પેન્ડ કરાયુ ટ્વિટર અકાઉંટ?
મુંબઈના આર.જે. કરણ મેહતાનો આરોપ છે કે, તેમનું ટ્વિટર એકાઉન્ટ એટલે બંધ કરી દેવાયુંં કારણ કે તેે મુંબઈમાં કામ કરતા હતા અને એમને પોતાના શોનું નામ ગુજરાતીમાં રાખ્યું છે.
મુંબઈના એક જાણિતા રેડિયો જોકીનું ટ્વિટર એકાઉન્ટ વિચિત્ર કારણોસર બંધ કરી દેવાયુ. સાંભળીને નવાઈ લાગશે પણ મુંબઈના આર.જે. કરણ મેહતાનો આરોપ છે કે, તેમનું ટ્વિટર એકાઉન્ટ એટલે બંધ કરી દેવાયુંં કારણ કે તેે મુંબઈમાં કામ કરતા હતા અને એમને પોતાના શોનું નામ ગુજરાતીમાં રાખ્યું છે. (શોનું નામ: આપણો કરન-GUJJU)
TV9 સાથે વાત કરતા કરણે આક્ષેપ કર્યો કે, થોડા દિવસો પહેલા શોના નામ માટે તેને ટ્વિટર પર ટ્રોલ કરાયો હતો. જેમા કહેવામાં આવ્યુ હતુંં કે, ‘મુંબઈમાં રહિને તે માત્ર મરાઠી ભાષાનો ઉપયોગ કરે, ગુજરાતી ભાષાનો પ્રયોગ તે ગુજરાતમાં જઈ કરે.’
કરણનું કહેવું છે કે, આમ એક પછી એક ઘણા ટ્રોલ શરૂ થયા. કરણને આંચકો ત્યાર લાગ્યો કે જ્યારે ટ્વિટર તરફથી કરણને મેસેજ આવ્યો કે, ‘Account Suspended – Twitter Suspends Account That Violate The Twitter Rules.’ જોકે ટ્રોલ કરનાર અજાણી વ્યક્તી વિશે કરણે ટ્વિટરમાં આ બાબતે ફરિયાદ કરી હતી અને ત્યારબાદ ટ્વિટર એકાઉન્ટ ફરી એકટીવ કરી દેવામાં આવ્યું છે.