OMG : શેરવાની પહેરીને ઘોડા પર સવાર થઈ આ દુલ્હન ! આ કારણે વરરાજાનો પહેરવેશ કર્યો ધારણ, જુઓ VIDEO
આજકાલ એક લગ્નનો વીડિયો સોશિયલ મીડિયા પર ખૂબ જ ચર્ચામાં છે, જેમાં એક દુલ્હન ખાસ કારણસર શેરવાની પહેરીને વરરરાજાના લુકમાં જોવા મળી રહી છે.
Viral Video : લગ્નની સિઝન શરૂ થતા જ સોશિયલ મીડિયા પર લગ્ન સંબધિત વીડિયોનુ (Wedding video) ઘોડાપૂર જોવા મળી રહ્યુ છે.ખાસ કરીને લગ્નને ખાસ બનાવવા માટે દુલ્હા-દુલ્હન અગાઉથી જ તૈયારી કરતા જોવા મળે છે.સામાન્ય રીતે લગ્નમાં દુલ્હનની એન્ટ્રી (Grand Entry) ખુબ જ ખાસ હોય છે.પરંતુ શું તમે ક્યારેય કોઈ દુલ્હનને (Bride) વરરાજાના પહેરવેશમાં જોઈ છે? જી હા તમને જાણીને નવાઈ લાગશે પરંતુ, આજકાલ આવો જ એક વીડિયો ઈન્ટરનેટ પર ચર્ચામાં આવ્યો છે.
આ કારણે દુલ્હને વરરાજાનો પહેરવેશ પહેર્યો
લગ્નનો અનોખો વીડિયો હાલ સોશિયલ મીડિયા પર વાયરલ (Viral) થઈ રહ્યો છે. જેમાં શેરવાની પહેરેલી દુલ્હન ઘોડા પર સવાર થઈને વરરાજાને લેવા જાય છે. તમને જણાવી દઈએ કે,આ યુવતીએ લિંગ સમાનતાને (Gender Equality) પ્રોત્સાહન આપવા માટે આ પહેરવેશ પહેર્યો હતો. દુલ્હનના કહેવા મુજબ, તેના માતા-પિતાએ તેના અને તેના ભાઈ વચ્ચે ક્યારેય ભેદ રાખ્યો ન હતો.
જ્યારે આ ગામની કોઈ છોકરીને બહાર ભણવા માટે મોકલવામાં આવી ન હતી, ત્યારે તેઓએ મને ભણવા માટે કોટા (રાજસ્થાન) મોકલી હતી. મને આગળ વધવાની દરેક તક આપી જે એક છોકરાને મળે છે.
જુઓ વીડિયો
લિંગ સમાનતા માટે કરી આ પહેલ
આ વીડિયો સોશિયલ મીડિયા પર ખુબ વાયરલ થઈ રહ્યો છે, જેના પર લોકો પોતાની પ્રતિક્રિયાઓ આપી રહ્યા છે. વીડિયો પર કોમેન્ટ કરતાં એક યુઝરે લખ્યું, ‘વરરાજા ત્યારે ચણિયાચોરી પહેરીને આવશે’. તો અન્ય યુઝરે લખ્યું છે કે, સમાનતા કપડાં પહેરવાથી નથી આવતી. વિચાર પરથી કાળું કપડું હટાવવું પડશે. આ સિવાય અન્ય કેટલાક યુઝર્સ પણ પોતાની પ્રતિક્રિયા આપતા જોવા મળી રહ્યા છે.
આ પણ વાંચો : ગજબ હો બાકી ! આ દંપતિએ તેના બાળકનું નામ રાખ્યુ ‘બોર્ડર’, કારણ જાણીને તમે પણ ચોંકી જશો !
આ પણ વાંચો : Viral : આ મહિલાએ લગ્નમાં વધેલુ ભોજન ગરીબોને કર્યુ વિતરણ, તસવીર વાયરલ થતા યુઝર્સે આપી કંઈક આવી પ્રતિક્રિયા