વીડિયો: છોટાઉદેપુર નકલી સરકારી કચેરી કેસમાં નવા ખુલાસા, નકલી ઈજનેર સંદીપ રાજપૂતના તપાસમાં વધુ બેન્ક એકાઉન્ટ મળ્યા

છોટાઉદેપુર જિલ્લામાં બોગસ સરકારી કચેરી દર્શાવીને સરકારને કરોડોનો ચુનો લગાવનાર નકલી ઈજનેર સંદીપ રાજપૂતની પુછપરછમાં અનેક ખુલાસા થયા છે. સરકારને ચુનો લગાડ્યાની ઘટના સામે આવ્યા બાદ તપાસનો ધમધમાટ શરૂ થઈ ગયો હતો. જો કે જિલ્લા પોલીસ વડાની આગેવાની હેઠળ SITની રચના કરવામાં આવી હતી.

મહત્વનું છે કે નકલી ઈજનેર સંદીપ રાજપૂતના તપાસમાં વધુ બેન્ક એકાઉન્ટ મળ્યા છે. બેન્ક એકાઉન્ટ મળ્યા બાદ છેલ્લા કેટલાક વર્ષોની લેવડ-દેવડની વિગતો મંગાવવામાં આવી છે. છોટાઉદેપુર પોલીસે તમામ બેંક એકાઉન્ટ ફ્રીઝ કરવા કાર્યવાહી હાથ ધરી છે.

જિલ્લા પંચાયતની કાર્યપાલક ઈજનેર કચેરીના કેટલાક અધિકારી, કર્મચારીના નિવેદન પણ લેવામાં આવ્યા છે. છોટાઉદેપુર પ્રાયોજના વહીવટદાર કચેરીના કર્મચારીઓની પૂછપરછ કરવામાં આવી છે. વ્રજ કોમ્પલેક્ષના રૂમ નંબર 210ના માલિકની પૂછપરછ કરવામાં આવી છે

આ પણ વાંચો: છોટાઉદેપુર : નસવાડીના આંધણી ખેરમારમાં હલકી ગુણવત્તાની રોડ કામગીરી આવી સામે, વીડિયોમાં જુઓ દ્રશ્યો

છોટાઉદેપુર સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો

(Input Credit: Makbul Mansuri)