Maharashtra Video : થાણેમાં ધોધમાર વરસાદથી જળબંબાકાર, ભારે વરસાદથી પોસ્ટ ઓફિસમાં ભરાયું પાણી

મુંબઈના થાણેમાં ધોધમાર વરસાદ વરસી રહ્યો છે. જેના પગલે અનેક વિસ્તારોમાં પાણી ફરી વળ્યા છે. ત્યારે ભારે વરસાદ પડતા પોસ્ટ ઓફિસમાં વરસાદી પાણી ભરાયું છે. વરસાદી પાણી ભરાતા આસપાસના વિસ્તારોમાં માછલીઓ તરતી જોવા મળી છે. જો કે મુંબઈના અનેક વિસ્તારોમાં ગઈકાલે પણ ધોધમાર વરસાદ પડ્યો હતો. ભારે વરસાદના કારણે સ્થાનિકોનું જનજીવન અસ્તવ્યસ્ત થયુ છે.

કામવારી નદીનું જળસ્તર વધ્યુ

બીજી તરફ ઉપરવાસમાં ભારે વરસાદના કારણે થાણેના ભિવંડીમાં આવેલી કામવારી નદીનું જળસ્તર વધ્યુ છે.નદીનું જળસ્તર વધતા નદીકાંઠાના વિસ્તારોમાં એલર્ટ જાહેર કરવામાં આવ્યું છે.આ સાથે જ સ્થાનિક તંત્ર પણ સતર્ક બન્યું છે. આ તરફ ભિવંડીના ઈદગાહ રોડ પર લોકોના ઘરમાં પાણી ઘૂસ્યા છે. આ વિસ્તારમાં દુકાનો અને ઘરમાં ત્રણ ત્રણ ફૂટ જેટલા પાણી ઘૂસી જતા જનજીવન પ્રભાવિત થયું છે.