વીડિયો: સુરેન્દ્રનગરના ધોરીયા ગામે ખાણ ખનીજ વિભાગના દરોડા, લાખોનો મુદ્દામાલ કબ્જે

સુરેન્દ્રનગર જિલ્લાના ધોરીયા ગામે ખાણ ખનીજ વિભાગે દરાડા પાડ્યા હતા, ખાણ ખનીજ વિભાગની કાર્યવાહીમાં ગેરકાયદે ખનીજ ચોરી ઝડપાઈ હતી. સુરેન્દ્રનગરના ધોરીયા ગામે ગેરકાયદે કાર્બોસેલની ચોરી કરવામાં આવી રહી હતી. 3 ખાડામાંથી કાર્બોસેલ કાઢવામાં આવી રહ્યું હતું. જો કે ખાણ ખનીજ વિભાગના દરોડામાં 9 લોકો ખાડામાં કામ કરી રહ્યા હતા, તેમને બહાર કાઢવામાં આવ્યા હતા.

સુરેન્દ્રનગર જિલ્લામાં અનેક નદીઓ પસાર થાય છે, ત્યારે અનેક જગ્યા પર નદીમાંથી ગેરકાયદે રેતી કાઢવામાં આવે છે. જો કે ભોગાવામાંથી ગેરકાયદે રેતી કાઢવામાં અગાઉ ખાણ ખનીજ વિભાગે દરોડા પાડીને અનેક વાર ખનીજ માફિયાની ધરપકડ કરી છે. ત્યારે ફરી એકવાર ખાણખનીજ વિભાગે સુરેન્દ્રનગર જિલ્લાના ધોરીયા ગામે દરોડા પાડીને ખાડામાંથી કાઢવામાં આવતા કાર્બોસેલની ચોરી અટકાવી છે. ટ્રેકટર, 3 ચરખી મશીન સહિતનો મુદ્દામાલ કબ્જે કર્યો છે.

આ પણ વાંચો: વીડિયો: સુરેન્દ્રનગર પોલીસે મોટરસાયકલની ચોરી કરનારની કરી ધરપકડ, પુછપરછ દરમિયાન ગુનાની કરી કબુલાત

સુરેન્દ્રનગર સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો

(Input Credit: SAJID BELIM)