દાહોદ : ઝાલોદ તાલુકા પંચાયતના AWO અધિકારી લાંચ લેતા ઝડપાયા, ACBએ ધરપકડ કરી

દાહોદની ઝાલોદ તાલુકા પંચાયતના AWO બળવંત લબાના લાંચ લેતા ઝડપાયા છે. ફાઇલ મંજૂર કરાવવા તેમણે મજૂર પાસેથી રૂપિયા 17 હજારની લાંચ માગી હતી. આ અંગે મહીસાગર ACBને જાણ થતાં બળવંત લબાની ધરપકડ કરીને વધુ કાર્યવાહી હાથ ધરી છે.

આ પણ વાંચો દાહોદ: નકલી સરકારી કચેરી કૌભાંડ કેસમાં નકલી ઈજનેર 28 ડિસેમ્બર સુધી રિમાન્ડ પર

ઉલ્લેખનીય છે કે, બળવંત લબાનાએ મહાત્મા ગાંધી રોજગારી યોજનામાં જમીન સમતલ કરવાના વર્કકોડમાં ફાઇલ મંજૂર કરાવવા રૂપિયા 20 હજારની લાંચ માગી હતી. તેમણે મજૂરની ફાઇલ દીઠ રૂપિયા 5 હજારની માગ કરી હતી. જો કે, રકઝકના અંતે રૂપિયા 17 હજારમાં ડીલ ફાઇનલ કરી હતી, પરંતુ ACBને બાતમી મળતા, સ્થળ પર પહોંચીને રંગેહાથ AWOને ઝડપી લીધા હતા અને વધુ કાર્યવાહી હાથ ધરી છે.