હવામાન નિષ્ણાંત અંબાલાલ પટેલે ચોમાસાને લઈને કરી આગાહી, આ તારીખથી ગુજરાતમાં વરસશે ધોધમાર વરસાદ -Video
રાજ્યમાં ચોમાસાને લઈને હવામાન નિષ્ણાંત અંબાલાલ પટેલે આગાહી કરી છે. રાજ્યમાં આગામી 14 જૂનથી વિધિવત રીતે ચોમાસુ બેસી શકે છે. આ વર્ષે ચોમાસાને લઈને અંબાલાલ પટેલે જણાવ્યુ છે કે જુલાઈ અને ઓગષ્ટમાં રાજ્યમાં ભારેથી અતિભારે વરસાદ પડી શકે છે.
રાજ્યમાં ચોમાસાને લઈને હવામાન નિષ્ણાંત અંબાલાલ પટેલે જણાવ્યુ છે કે આગામી 14 જૂનથી રાજ્યમાં વિધિવત રીતે ચોમાસુ બેસી જશે. એ પહેલા 7 થી 14 જૂન વચ્ચે મજબુત પ્રિ-મોન્સુન એક્ટિવિટી જોવા મળી શે છે. જુલાઈ અને ઓગષ્ટમાં રાજ્યમાં ભારેથી અતિભારે વરસાદ વરસી શકે છે. નિરનિરંતર ચોમાસુ રાજ્યમાં 14 મી જુનથી 28મી જુન સુધી રહેવાની શક્યતા છે. રાજ્યના અનેક વિસ્તારોમાં વરસાદની શક્યતા છે. રાજ્યમાં જુલાઈ ઓગષ્ટમાં ભારે વરસાદ થશે. જ્યારે કેટલાક ભાગમાં અતિભારે વરસાદ પડી શકે છે. દેશના અનેક શહેરોમાં પૂરની સ્થિતિ સર્જાશે.
ગુજરાતવાસીઓએ દેહ દઝાડતી ગરમીનો સામનો કરવો પડશે: અંબાલાલ
આ તરફ ગરમીની જો વાત કરીએ તો હવામાન નિષ્ણાંત અંબાલાલ પટેલે ગરમીને લઈને ચિંતાજનક આગાહી કરી છે. 26 મે સુધી હજુ ગુજરાતવાસૂઓએ દેહ દઝાડતી ગરમીની સહન કરવી પડશે. મધ્ય ગુજરાત અને ઉત્તર ગુજરાતમાં ભીષણ ગરમીના એંધાણ છે. સૌરાષ્ટ્રના અમુક જિલ્લામાં કાળજાળ ગરમી પડી શકે છે. રાજ્યમાંમ 26 મે થી ગુજરાતવાસીઓ માટે સારા સમાચાર આવી શકે છે. 26મે મે થી ગરમીમાં એકાએક ઘટાડો થશે. 26મેથી 4 જૂન વચ્ચે તાપમાન 38 ડિગ્રી સુધી ગગડશે
રાજ્યના હવામાન વિભાગે પણ જણાવ્યુ છે કે રાજ્યમાં હજુ ચાર દિવસ હીટવેવનો સામનો કરવો પડશે. રાજ્યના 20 જિલ્લામાં હીટવેવનું ઓરેન્જ એલર્ટ જાહેર કરવામાં આવ્યુ છે. અમદાવાદ અને ગાંધીનગરવાસીઓએ ખૂબ સાવચેત રહેવુ પડશે. અમદાવાદ અને ગાંધીનગરમાં તાપમાનનો પારો 46 ડિગ્રીને પાર જઈ શકે છે. અમદાવાદ અને ગાંધીનગરમાં આજે અને આવતીકાલે રેડ એલર્ટ આપવામાં આવ્યુ છે. ઉત્તર ગુજરાતવાસીઓએ ચાર દિવસ હીટવેવનો સામનો કરવો પડશે.
