Surat : વાત્સલ્ય સ્કૂલના વિદ્યાર્થીઓ ભરેલી વાન પલટાઈ, જુઓ Video

રાજ્યમાં અવારનવાર અકસ્માતની ઘટના સામે આવતી હોય છે. ત્યારે સુરતમાં વિદ્યાર્થીઓની સ્કૂલ વાન પલટી હોવાની ઘટના સામે આવી છે. સુરત ખાતે આવેલી વાત્સલ્ય સ્કૂલની વાન પલટાતા વિદ્યાર્થીઓ ઈજાગ્રસ્ત થયા હતા. ઈજાગ્રસ્ત વિદ્યાર્થીઓને હોસ્પિટલમાં ખસેડવામાં આવ્યા હતા. પ્રિન્સિપાલના જણાવ્યા અનુસાર વાનમાં 5 બાળકો સવાર હતા. આ ઘટના સુરતના ડભોલી વિસ્તારમાં ઘટના બની હતી.

ગાંધીનગરમાં કારમાંથી બાળક ફંગોળાયુ !

બીજી તરફ ગાંધીનગરમાં ઈકો અને દારુ ભરેલી કાર વચ્ચે અકસ્માત સર્જાયો છે. ઈકોમાં 4 લોકો સવાર હતા. મોડી રાત્રે વાવોલ ગામ પાસે અકસ્માત સર્જાયો હતો. કારમાંથી એક બાળક ઉછળીને દૂર સુધી ફંગોળાયુ હતું. પોલીસે કારમાંથી દારુનો જથ્થો જપ્ત કર્યો છે. અંધારુ હોવાના કારણે કાર ચાલક ફરાર થયો હતો. પોલીસે કાર ચાલકની શોધખોળ હાથ ધરી છે.