Dang : સાપુતારા- માલેગાંવ ઘાટ પર ભેખડ ધસી, વાહનોની લાગી લાંબી કતારો, જુઓ Video

ગુજરાતના અનેક જિલ્લાઓમાં ધોધમાર વરસાદ વરસી રહ્યો છે. ત્યારે ડાંગમાં પણ મુશળધાર વરસાદ વરસવાથી સાપુતારામાં ફરી એક વાર માર્ગ પર ભેખડ ધસી પડવાની ઘટના બની છે. ત્યારે સાપુતારા- માલેગાંવ ઘાટ પર ભેખડ ધસી પડી છે. મસમોટા પથ્થરો પડતા વાહનવ્યવહાર અવરોધાયો હતો. જેના કારણે સાપુતારા અવરજવર કરતા વાહનોની લાઈનો લાગી છે. તંત્ર દ્વારા માર્ગ પરથી પથ્થરો અને માટી હટાવવાની કામગીરી હાથ ધરવામાં આવી છે. જોકે મળતી માહિતી અનુસાર આ દુર્ઘટનામાં કોઈ પણ પ્રકારની જાનહાનિ થઈ નથી.

વરસાદી માહોલ વચ્ચે ગાઢ ધુમ્મસ છવાયો

તો બીજી તરફ સાપુતારામાં વરસાદી માહોલ વચ્ચે ગાઢ ધુમ્મસ છવાયો હતો. સાપુતારા જતા ઘાટ માર્ગ પર ધુમ્મસના કારણે હિલ સ્ટેશનની સુંદરતા સામે આવી છે. પ્રવાસીઓએ પણ ગાઢ ધુમ્મસ અને આહલાદક વાતાવરણની મજા માણી છે.