આજનું હવામાન : ગુજરાતવાસીઓને ગરમીથી મળશે રાહત ! સૌરાષ્ટ્રના ભાગોમાં ગાજવીજ સાથે વરસાદની આગાહી, જુઓ Video

હવામાન વિભાગની આગાહી અનુસાર આજે રાજ્યમાં ગરમીથી રાહત મળી શકે છે. કચ્છ અને રાજકોટમાં હવામાન વિભાગના ઓરેન્જ એલર્ટની આગાહી કરી છે. આ તરફ ઉત્તર ગુજરાતમાં ગરમીનો પારો હાઈ રહ્યો છે. તેમજ હવામાન વિભાગની આગાહી અનુસાર આવતીકાલથી તાપમાનમાં આંશિક ઘટાડો નોંધાય તેવી શક્યતા છે.

ગાજવીજ સાથે ભારે વરસાદની આગાહી

અંબાલાલ પટેલની આગાહી અનુસાર 11થી 14 એપ્રિલ સુધી ગુજરાતમાં આંધી અને વંટોળનું પ્રમાણ વધી શકે છે. મધ્ય ગુજરાતના ભાગોમાં પવનનું જોર રહેવાનું પણ તેમણે અનુમાન કર્યું છે. 11 એપ્રિલે કચ્છ, સૌરાષ્ટ્રના ભાગોમાં ગાજવીજ સાથે વરસાદ પડી શકે છે.આ સાથે લીમખેડા, દાહોદ, વડોદરા, નડિયાદમાં હવામાન પલટો આવી શકે છે. મહત્વનું છે કે આગામી 48 કલાકમાં વાતાવરણમાં પલટો આવી શકે છે. આ સિવાય ઉત્તર ગુજરાતમાં મહત્તમ તાપમાન 40 ડિગ્રી રહી શકે છે. રાજકોટ, જૂનાગઢ, બનાસકાંઠા, કચ્છમાં પણ તાપમાન ઘટતા ગરમીથી રાહત મળશે. આ પછી 17થી 19 એપ્રિલે હવામાનમાં ફરી પલટો આવશે.

 ગુજરાતના તમામ જિલ્લાના સમાચાર વાંચવા માટે અહીં ક્લિક કરો