સુરતનું રેલવે સ્ટેશનને મલ્ટી-મૉડલ ટ્રાન્સપોર્ટ હબમાં કરાઇ રહ્યું છે અપગ્રેડ, જાણો કેવી હશે સુવિધા
હવે સુરત રેલવે સ્ટેશનની કાયા પલટ થશે. અમૃત ભારત સ્ટેશન યોજના હેઠળ આ કામગીર કરવામાં આવશે. આ નવા સ્ટેશનમાં રેલવે, જીએસઆરટીસી બસ, સિટી બસ તેમજ મેટ્રોનું સંકલન કરીને કનેક્ટિવિટી આપવામાં આવશે. આ સાથે જ નવું બિલ્ડીંગ વ્યવસાય, વેપાર અને વાણિજ્યનું કેન્દ્ર બનશે તેવી તૈયારીઓ કરવામાં આવી છે.
ડાયમંડ સિટી સુરતની શાનમાં વધારો થવા જઈ રહ્યો છે. અમૃત ભારત સ્ટેશન યોજના હેઠળ સુરત રેલવે સ્ટેશનની કાયા પલટ થશે. સુરતનું રેલવે સ્ટેશનને એક મલ્ટી-મૉડલ ટ્રાન્સપોર્ટ હબમાં અપગ્રેડ કરવામાં આવી રહ્યું છે. જેમાં રેલવે, જીએસઆરટીસી બસ, સિટી બસ તેમજ મેટ્રોનું સંકલન કરીને કનેક્ટિવિટી આપવામાં આવશે. સાથોસાથ આ નવું બિલ્ડીંગ વ્યવસાય, વેપાર અને વાણિજ્યનું કેન્દ્ર બનશે.
આ પ્રોજેક્ટનું કામ સુરત ઈન્ટિગ્રેટેડ ટ્રાન્સપોર્ટ કોર્પોરેશન દ્વારા હાથ ધરવામાં આવ્યું છે. રાજ્ય સરકારના સરકારના 462 કરોડ રૂપિયા સહિત કુલ 1475 કરોડના ખર્ચે રેલવે સ્ટેશનનો પુનઃવિકાસ કરવામાં આવી રહ્યો છે. પ્રથમ તબક્કામાં કુલ 980 કરોડ રૂપિયાના ખર્ચે વિકાસ કાર્યો થશે. રેલવે સ્ટેશનના પુનઃવિકાસનું કામ 2027 સુધી પૂર્ણ કરવાનો લક્ષ્યાંક નક્કી કરાયો છે.
આ પણ વાંચો : સુરત : ફટાકડા ફોડી રહેલા 7 વર્ષના બાળક પર ચાલકે ચઢાવી દીધી કાર, જુઓ વીડિયો
