Breaking News: સુરતીઓ માટે સૌથી મોટા સમાચાર આજથી સુરત મેટ્રોનો ટ્રાયલ રન શરૂ

સુરત શહેર માટે આજનો દિવસ ઐતિહાસિક સાબિત થવાનો છે. સુરત મેટ્રો રેલ પ્રોજેક્ટ અંતર્ગત પ્રથમ ફેઝમાં ટ્રાયલ રનનો પ્રારંભ કરવામાં આવ્યો છે. ડ્રીમ સિટીથી અલથાણ ટેનામેન્ટ સ્ટેશન સુધીના 8.5 કિમીના અંતરમાં મેટ્રો ટ્રેન દોડાવવામાં આવશે. આ રૂટ પર વાયડક્ટ ટ્રેક બિછાવવા અને ટ્રેક્શન પાવર માટે થર્ડ રેલનું કામ પણ સફળતાપૂર્વક પૂર્ણ કરી દેવામાં આવ્યું છે.

આ ટ્રાયલ રન દરમિયાન અંદાજે 500 કલાકનું ટ્રેન રનિંગ અને ટેકનિકલ સર્વે ચકાસણી કરવામાં આવશે. મેટ્રોના અધિકારીઓના જણાવ્યા મુજબ કુલ સાત સ્ટેશન બિલ્ડિંગનું સ્ટ્રક્ચર કામ પૂર્ણ થઈ ચૂક્યું છે.

હાલમાં સાતેય સ્ટેશન પર એન્ટ્રી એક્ઝિટ સ્ટ્રક્ચર અને આંતરિક ફિનિશિંગની કામગીરી યુદ્ધના ધોરણે ચાલી રહી છે. તમામ સુરક્ષા માપદંડોની ચકાસણી બાદ સુરતની જનતા માટે મેટ્રોના દ્વાર ખોલી દેવામાં આવશે.

(ઈનપુટ ક્રેડિટ: Baldev Suthar)

Breaking News: પાકિસ્તાનમાં લાગ્યુ લોકડાઉન, શાળાઓ અને ઓફિસોમાં ફરજિયાત વર્ક ફ્રોમ હોમનો આદેશ, ઈંધણની કટોકટી વચ્ચે લેવાયો નિર્ણય