સુરતઃ દક્ષિણ ગુજરાતના ખેડૂતોની જીવાદોરી સમાન કાકરાપાર ડેમ ઓવરફ્લો થયો છે. સુરતમાં માંડવીના કાકરાપાર ખાતે આવેલો ડેમ સંપૂર્ણ ભરાયો છે. ખેડૂતો માટે આ ડેમ જીવાદોરી સમાન માનવામાં આવે છે.
નોંધનીય છે કે કાકરાપાર ડેમની કુલ સપાટી 160 ફૂટ છે. હાલમાં ડેમ 160 ફૂટથી પણ ચાર ફૂટ વધુની સપાટીથી ઓવરફ્લો થઈ રહ્યો છે. આ ડેમ તાપી નદી પર આવેલો છે. તે ગુજરાત સરકાર સંચાલિત સિંચાઈ યોજના હેઠળ આવે છે.
ખેડૂતો માટે આ ડેમ જીવાદોરી સમાન ગણવામાં આવે છે.ઉનાળાના સમયમાં સિંચાઈ માટે આ ડેમના પાણી ખુબ મદદરૂપ સાબિત થાય છે. ડેમ સંપૂર્ણ ભરાઈ જતા ખેડૂતોમાં આનંદની લાગણી જોવા મળી હતી.
આ પણ વાંચો : તાપી : ભારે વરસાદના કારણે ઉકાઇ ડેમની સપાટીમાં વધારો થયો, જુઓ વીડિયો