દાહોદ : વ્યાજખોરના ત્રાસથી કંટાળી યુવકનો કલેક્ટર કચેરીના પટાંગણમાં આત્મવિલોપનનો પ્રયાસ, જુઓ વીડિયો

દાહોદ કલેક્ટર કચેરીના પટાંગણમાં એક યુવકે આત્મવિલોપનનો પ્રયાસ કર્યો હોવાની ઘટના સામે આવી છે. વ્યાજખોરના ત્રાસથી કંટાળી યુવકે આત્મવિલોપનનો પ્રયાસ કર્યો હતો. યુવકે 4.60 લાખ રૂપિયા વ્યાજે લીધા હતા. જેના બદલામાં તેણે 4.88 લાખ ચુકવ્યા હોવા છતાં પણ ધમકી મળતી હોવાનો યુવકે દાવો કર્યો છે.

આ પણ વાંચો દાહોદ : ઝાલોદ તાલુકા પંચાયતના AWO અધિકારી લાંચ લેતા ઝડપાયા, ACBએ ધરપકડ કરી

યુવકે રૂપિયા આપ્યા હોવા છતાં જાનથી મારી નાખવાની તેમજ દારૂના કેસમાં ફસાવવાની ધમકી આપવામાં આવતી હતી. જે અંગે યુવકે અનેક રજૂઆતો કર્યા બાદ પણ ઉકેલ ન આવતાં યુવકે આત્મવિલોપનનો પ્રયાસ કર્યો હતો. ત્યારે પોલીસે હાલ યુવકની અટકાયત કરી છે.