Ahmedabad : ગોતા અંડર બ્રિજ પાસે સ્કૂલ બસ અને કાર વચ્ચે સર્જાયો અકસ્માત, જુઓ Video

રાજ્યમાં અવારનવાર અકસ્માતની ઘટના બનતી હોય છે. ત્યારે અમદાવાદમાં ફરી એક વાર અકસ્માતની ઘટના સામે આવી છે. અમદાવાદના ગોતા બ્રિજ નીચે અકસ્માત સર્જાયો છે. બ્રિજ નીચે સ્કૂલ બસ અને કાર વચ્ચે અકસ્માત સર્જાયો છે. હીરામણી સ્કૂલ બસ ચાલકે કાર ચાલક સાથે અકસ્માત સર્જ્યો હતો. જો કે અકસ્માત સર્જાતા ટ્રાફિકજામ સર્જાયો હતો.

સુરતમાં સર્જાયો અકસ્માત

બીજી તરફ સુરતના વેસુમાં કારમાં જોખમી સ્ટંટબાજી બિલ્ડરના પુત્રને ભારે પડી છે. સ્ટંટ કરતા સમયે કાર ડિવાઈડરમાં ઘૂસી જતા બે યુવક ઈજાગ્રસ્ત થયા હતા. કાર ઓવરસ્પીડમાં હોવાને કારણે અકસ્માત થયો હોવાનો ખુલાસો થયો છે. ગંભીર અકસ્માત અંગે હજુ સુધી કોઈ ફરિયાદ ન નોંધાઈ હોવાનું ખુલ્યું છે.

કારચાલકનો અગાઉ પણ જોખમી સ્ટંટ કરતો વીડિયો વાયરલ થયો છે. જે યુવકે સ્ટંટ કરવા બદલ માફી માગી હતી તે જ યુવકે અકસ્માત સર્જ્યો છે. 3 મહિના અગાઉ યુવકનો સ્ટંટ કરતો વીડિયો પણ સામે આવ્યો છે. પોલીસ સમક્ષ યુવકે સ્ટંટ કરવા બદલ માફી માગી હતી. સ્થાનિકોએ ભારે જહેમત કરી ઈજાગ્રસ્તોને કારમાંથી બહાર કાઢી હોસ્પિટલ ખસેડ્યાં હતા.