રાજકોટમાં પતંગ પકડવા જતો બાળક વીજ લાઇનને અડતા લાગ્યો કરંટ, સ્થળ પર જ ભડથુ થઇને મોત
રાજકોટમાં ઉત્તરાયણ પર્વ પહેલાં એક દુઃખદ ઘટના બની છે. 11 વર્ષીય બાળક પતંગ લેવા જતાં વીજ કરંટ લાગવાથી મૃત્યુ પામ્યો છે. આ ઘટના બાળકોની સુરક્ષા અંગે ગંભીર ચિંતા ઉભી કરે છે. માતા-પિતાએ બાળકોને પતંગ ઉડાડતી વખતે સાવચેતી રાખવા માટે સુચનાઓ આપવી જોઈએ અને ઉચ્ચ વોલ્ટેજ લાઈનથી દૂર રહેવાનું શીખવાડવું જોઈએ. આવી ઘટનાઓને રોકવા માટે જાગૃતિ ફેલાવવી જરૂરી છે.
ઉત્તરાયણનો પર્વ ખૂબ જ નજીક છે. જે પહેલા લોકોએ પતંગ ઉડાવવાનું શરુ કરી દીધુ છે. જો કે માતા-પિતાની બાળક પ્રત્યેની થોડી પણ બેદરકારી આ દરમિયાન જીવલેણ સાબિત થઇ શકે છે. છેલ્લા કેટલાક વર્ષોથી પતંગ પકવા જતા બાળકો વીજ લાઇનને અડતા કરંટ લાગ્યો હોય અને મોત થયુ હોય તેવી અનેક ઘટનાઓ સામે આવેલી છે. ફરી એક વાર આવી જ એક ઘટના રાજકોટમાં સામે આવી છે.
ઉત્તરાયણ પહેલા રાજકોટથી સૌથી ચોંકાવનારી ઘટના સામે આવી છે.પતંગ લેવા જતાં 11 વર્ષના બાળકનું કંપાવી દેનારું મોત થયુ છે. રાજકોટના શાપરમાં રહેતો બાળક ધાબા પરથી પતંગ લેવા જતો હતો. તે ઈલેક્ટ્રિક સબ સ્ટેશનના પોલ પરથી પતંગ લેવા જતો હતો. વીજ લાઈન ચાલુ હોવાથી તેને તરત જ કરંટ લાગ્યો અને કિશોર સ્થળ પર જ ભડથું થઇ ગયો હતો.
આ ઘટનામાં પુષ્પવીર શર્મા નામના કિશોરનું ઘટના સ્થળે મોત નીપજ્યું છે. મૂળ પશ્ચિમ બંગાળના અલીપુરના રહેવાસી કિશોરનું કમકમાટી ભર્યું મોત થતા ચકચાર મચી ગઇ છે. બાળકના પરિવારમાં તહેવાર પહેલા જ આવી ઘટનાથી શોકનું મોજુ ફરી વળ્યુ છે.
ઉત્તરાયણમાં 108 માટે ઈમરજન્સી કેસમાં 30 ટકા વધારો થવાની સંભાવના
કાજલ મહેરિયાએ મને માતાજી વિશે અને સમાજ વિશે અપશબ્દો કહ્યા- સાગર પટેલ
અંબાજી મંદિર વિવાદમાં ગીરીશ કોટેચાએ મહેશગીરીને ફેંક્યો ખુલ્લો પડકાર
એરલાઇનની ભૂલના કારણે તમારો સામાન ખોવાઈ જાય તો કેવી રીતે મેળવશો વળતર ?
