પંચમહાલ : સસ્તા અનાજની દુકાનમાં ઝડપાઈ ગેરરીતિ, ચેકિંગ દરમિયાન અનાજના જથ્થામાં ઘટ

પંચમહાલમાં મોરવા હડફ તાલુકાના બિલવાણી ગામની દુકાનમાં ગેરરીતિ ઝડપાઈ હોવાની ઘટના સામે આવી છે. પંચમહાલ જિલ્લા પંચાયતના સભ્ય અને પૂર્વ બાંધકામ સમિતિના ચેરમેન વિક્રમ ડિંડોર સંચાલિત દુકાનમાંથી ગેરરીતિ ઝડપાઈ છે. જિલ્લા પુરવઠા અધિકારી અને મોરવા હડફ મામલતદાર દ્વારા બિલવાણી ગામની આદિવાસી સહકારી ગ્રાહક ભંડાર લિમિટેડ નામની સસ્તા અનાજની દુકાનમાં આકસ્મિક ચેકિંગ કરતા અનેક ગેરરીતિઓ સામે આવી છે.

આ પણ વાંચો પંચમહાલ : દિવાળીના તહેવારોને લઈ પાવાગઢમાં દર્શનના સમયમાં ફેરફાર, રાત્રે 8 વાગ્યા સુધી કરી શકાશે દર્શન

પુરવઠા અધિકારી અને મામલતદારના ચેકિંગ દરમિયાન 33 કટ્ટા ચોખા, 17 કટ્ટા ઘઉં, 4 કટ્ટા ચણા, 2 કટ્ટા ખાંડ અને 14 સિંગતેલના પાઉચની ઘટ મળી આવી હતી. સમગ્ર મામલે જિલ્લા પુરવઠા અધિકારી દ્વારા દુકાન સંચાલકને કારણ દર્શક નોટિસ આપી કાયદેસરની કાર્યવાહી હાથ ધરવામાં આવી છે.