Amreli : મેઘાની ધમાકેદાર બેટિંગ, ભારે વરસાદના પગલે શેખ પીપરિયામાં જળબંબાકારની સ્થિતિ
અમરેલીના (Amreli) લાઠી તાલુકામાં મેઘાની તોફાની બેટિંગને કારણે નીચાણવાળા વિસ્તારો પાણીમાં ગરકાવ થઈ ગયા છે.
હવામાન વિભાગે (IMD) આગામી ચાર દિવસ ભારેથી અતિભારે વરસાદની (Heavy rain) આગાહી કરી છે.ત્યારે મોટાભાગના વિસ્તારોમાં વરસાદી માહોલ જોવા મળી રહ્યો છે. અમરેલીના (Amreli) લાઠી તાલુકામાં પણ ગાજવીજ સાથે ધોધમાર વરસાદ વરસ્યો.વરસાદના પગલે શેખ પીપરિયામાં જળબંબાકારની સ્થિતિ જોવા મળી રહી છે.તો બીજી તરફ મેઘાની તોફાની બેટિંગને કારણે નીચાણવાળા વિસ્તારો પાણીમાં ગરકાવ થઈ ગયા છે. તેમજ નદીમાં ઘોડાપૂર આવતા હાલ વહીવટી તંત્ર સતર્ક જોવા મળી રહ્યું છે.
ભારેથી અતિભારે વરસાદની આગાહી
ગુજરાતમાં (Gujarat) ચોમાસાના (Monsoon 2022) અંતિમ ચરણમાં પણ મેઘરાજા ધમાકેદાર બેટિંગ કરી રહ્યા છે. છેલ્લા બે-ત્રણ દિવસથી વરસાદથી ગુજરાતમાં વરસાદી માહોલ જોવા મળી રહ્યો છે. હજુ પણ હવામાન વિભાગે આગામી દિવસોમાં ભારે વરસાદની (Rain) આગાહી કરી છે. આગામી 4 દિવસ સૌરાષ્ટ્ર, પૂર્વ અને મધ્ય ગુજરાત તથા દક્ષિણ ગુજરાતમાં ભારેથી અતિભારે વરસાદની હવામાન વિભાગે આગાહી કરી છે. મધ્ય ગુજરાત, દક્ષિણ ગુજરાત અને સૌરાષ્ટ્રમાં ભારે વરસાદ પડવાની શક્યતા છે.
સુરત, ભરૂચ, વડોદરા અને આણંદમાં અતિભારે વરસાદ પડવાની શક્યતા હોવાથી ઓરેન્જ એલર્ટ (Orange Alert) જાહેર કરવામાં આવ્યું છે. અમદાવાદ શહેર અને જિલ્લાના વિસ્તારોમાં મંગળવારના રોજ ભારે વરસાદ પડશે તેવા હવામાન ખાતાએ સંકેત આપ્યા છે.થન્ડર સ્ટોર્મ એક્ટિવિટીના કારણે ભારે પવન સાથે વરસાદની સંભાવના છે.
Latest News Updates
