આજનું હવામાન : ઉત્તર ગુજરાત અને સૌરાષ્ટ્રના જિલ્લાઓમાં ભારે વરસાદની આગાહી, જુઓ Video
હવામાન વિભાગની આગાહી પ્રમાણે રાજ્યમાં કેટલાક જિલ્લાઓમાં ગાજવીજ સાથે વરસાદ વરસી શકે છે. આગામી 7 દિવસ હળવાથી મધ્યમ વરસાદની શક્યતા વ્યક્ત કરવામાં આવી છે. ઉત્તર ગુજરાત અને સૌરાષ્ટ્રના જિલ્લાઓમાં સારો વરસાદ આવી શકે છે.
હવામાન વિભાગની આગાહી પ્રમાણે રાજ્યમાં કેટલાક જિલ્લાઓમાં ગાજવીજ સાથે વરસાદ વરસી શકે છે. આગામી 7 દિવસ હળવાથી મધ્યમ વરસાદની શક્યતા વ્યક્ત કરવામાં આવી છે. ઉત્તર ગુજરાત અને સૌરાષ્ટ્રના જિલ્લાઓમાં સારો વરસાદ આવી શકે છે. બનાસકાંઠા, પાટણ, કચ્છ, મોરબી, જામનગરમાં ઓરેન્જ એલર્ટ આપવામાં આવ્યું છે. જ્યારે કે અમદાવાદ અને ગાંધીનગરમાં ગાજવીજ સાથે વરસાદની આગાહી છે.
અંબાલાલ પટેલે ભારે વરસાદની કરી આગાહી
હવામાન નિષ્ણાત અંબાલાલ પટેલની આગાહી અનુસાર રાજ્યમાં વરસાદની આગાહી કરવામાં આવી છે. 23 જુલાઈએ બંગાળના ઉપસાગરમાં લો પ્રેશર બની શકે છે. ત્યારે 28 જુલાઈએ ગુજરાતમાં ભારે વરસાદની શક્યતા છે. મધ્ય ગુજરાતના કેટલાક ભાગમાં ભારે વરસાદની શક્યતા છે. અમદાવાદ, ગાંધીનગરમાં ભારે વરસાદની આગાહી કરવામાં આવી છે. તેમજ પંચમહાલ, સાબરકાંઠા, વડોદરામાં પણ ભારે વરસાદની આગાહી કરવામાં આવી છે. આ ઉપરાંત બનાસકાંઠા, પાટણમાં પણ વરસાદની સંભાવના વ્યક્ત કરવામાં આવી છે.
